Внимание! Приведённые в «Нотном тропарионе» напевы — это не единственно верный вариант распева, а лишь один из возможных способов исполнения тропарей и кондаков. В разных епархиях и даже в отдельных храмах бытуют свои традиции и местные варианты мелодий, и регент вправе опираться на тот обиход, который принят в его приходе.
Воскресенье 6-го гласа
Текст: Тропарь, богородичен и кондак.
Текст гражданским шрифтом
Тропарь, глас 6.
А́нгельския Си́лы на гpо́бе Твое́м/ и стpегу́щии омеpтве́ша,/ и стоя́ше Маpи́я во гpо́бе,/ и́щущи Пpечи́стаго Те́ла Твоего́./ Плени́л еси́ ад, не искуси́вся от него́;/ сpе́тил еси́ Де́ву, да́pуяй живо́т.// Воскpесы́й из ме́pтвых, Го́споди, сла́ва Тебе́.
Живонача́льною дла́нию/ уме́ршия от мра́чных уд́олий/ Жизнода́вец воскреси́в всех Христо́с Бог,/ воскресе́ние подаде́ челове́ческому ро́ду:/ есть бо всех Спаси́тель,\ Воскресе́ние и Живо́т, и Бог всех.
Вели́ка обре́те в беда́х/ тя побо́рника вселе́нная, страстоте́рпче,/ язы́ки побежда́юща./ Я́коже у́бо Ли́еву низложи́л еси горды́ню,/ и на по́двиг дерзнове́нна сотвори́в Не́стора,/ та́ко, свя́те Дими́трие,/ Христу́ Бо́гу моли́ся// дарова́ти нам ве́лию ми́лость.
Кондак, глас 2.
Крове́й твои́х струя́ми, Дими́трие,/ Це́рковь Бог обагри́,/ да́вый тебе́ кре́пость непобеди́мую,/ и соблюда́я град твой невреди́м:// того́ бо еси́ утвержде́ние.
Воспоминания великого и страшного трясения в Константинополе
Текст: Тропарь, богородичен и кондак.
Текст гражданским шрифтом
Тропарь, глас 8.
Призира́яй на зе́млю и творя́й ю́ трясти́ся,/ изба́ви ны стра́шнаго тру́са преще́ния, Христе́ Бо́же наш,// и низпосли́ нам бога́тыя ми́лости Твоя́ моли́твами Богоро́дицы, и спаси́ ны.
Кондак, глас 6.
Изба́ви тру́са тя́жкаго всех нас, Го́споди,/ и я́звы нестерпи́мыя грех ра́ди на́ших./ Пощади́, Го́споди, правосла́вныя лю́ди Твоя́,/ я́же стяжа́л еси́ Твое́ю Кро́вию, Влады́ко;/ и град не преда́ждь в поги́бель тру́сом стра́шным,/ ино́го бо, ра́зве Тебе́, Бо́га не ве́мы./ И воззови́ пою́щим:// Аз есмь с ва́ми, и никто́же на вы.
