Святителю Савве, первому архиепископу Сербскому

Гимнографический сборник · Соборам святых · Собору Сербских святых

25 января (12 января по Церковному календарю) в Сербской, Румынской, Греческой, Албанской поместных Церквах, а также в РПЦЗ
27 января (14 января по Церковному календарю) в Русской Православной Церкви
19 мая (6 мая по Церковному календарю) — перенесение мощей из Тырново в Милешево в 1238 году
10 мая (27 апреля по Церковному календарю) — воспоминание сожжения мощей на Врачаре в 1594 году
12 сентября (30 августа по Церковному календарю) — собор святителей и просветителей Сербских
2-я неделя по Пятидесятнице — Собор всех преподобных и богоносных отцов, во Святой Горе Афонской просиявших
23 июля (10 июля по Церковному календарю) — Собор Ватопедских святых
20 мая (7 мая по Церковному календарю) — Собор преподобных русских Святогорцев

Тропарь, глас 8

Правосла́вия наста́вниче, благоче́стия учи́телю и чистоты́,/ вселе́нныя свети́льниче, архиере́ев Богодухнове́нное удобре́ние, Са́вво прему́дре,/ уче́ньми твои́ми вся просвети́л еси́, цевни́це духо́вная.// Моли́ Христа́ Бо́га спасти́ся душа́м на́шим.

Иной тропарь (на перенесение мощей), глас 3

Пути́ вводя́щаго в жи́знь, / наста́вник, и первопресто́льник, и учи́тель был еси́: / пе́рвее бо прише́д, святи́телю Са́вво, / оте́чество твое́ просвети́л еси́, / и, породи́в то́е Ду́хом Святы́м; / я́ко древа́ ма́слинная / в мы́сленнем раи́ насади́л еси́ всеосвяще́нная твоя́ ча́да. / Тем я́ко апо́столом и святи́телем сопресто́льна / чту́ще тя мо́лим:/ моли́ Христа́ Бо́га// дарова́ти нам ве́лию ми́лость.

Тропарь святым Стефану Мироточивому и Савве Сербскому, глас 1

Оби́тели Хиланда́рския свяще́нных строи́телей / и Афо́на свети́льники, / Се́рбии похвалу́, / Симео́на велича́йшаго, преподо́бных ле́поту, / и род его́ чу́дный, святи́теля, — глаго́лю, — Са́вву, / прииди́те согла́сно почти́м, глаго́ля: / моли́те Христа́ Бо́га о па́стве ва́шей, бла́женнии, // и о е́же Це́ркви свобо́дней бы́ти от обстоя́ний.

Кондак, глас 2

Струя́ми слез твои́х, Богоно́сне Са́вво, / це́рковь теле́сную очи́стив, / слуга́ бысть Святы́я Тро́ицы,/ сохраня́й оте́чество свое́ непобеди́мо, // тому́ бо ты еси́ утвержде́ние.

Иной кондак, глас 2

Избра́ннаго от пеле́н Христо́вою благода́тию/ и возлю́бленнаго от ю́ности Бо́жиим Ду́хом,/ ю́ностный цвет, Са́вву блаже́ннаго,/ похва́льныя венцы́, ве́рнии, днесь спле́тше/ и Боже́ственную главу́ его́ венча́юще, воззове́м:// ра́дуйся, о́тче, Бо́жие жили́ще.

Иной кондак, глас 8

Я́ко первосвяти́теля вели́каго, и апо́столов соо́бщника, / Це́рковь прославля́ет тя люде́й твои́х, преподо́бне, / но я́ко име́я дерзнове́ние ко Христу́ Бо́гу, / моли́твами твои́ми от вся́ких нас бед спаса́й, да зове́м ти: // ра́дуйся, о́тче Са́вво, Богому́дре.

Иной кондак (на перенесение мощей), глас 6

Засту́пниче скорбя́щим,/ в напа́стех помо́щниче,/ ко Влады́це моле́бниче,/ не пре́зри нас, смире́нных, обремене́нных грехи́,/ но предвари́ и исхи́ти от мук ве́чных с ве́рою моля́щихтися,/ ускори́ на заступле́ние и потщи́ся на по́мощь,// заступи́, святи́телю Христо́в Са́вво, пою́щия тя.

Наверх · Гимнографический сборник · Соборам святых · Собору Сербских святых