Стихиры на стиховне
Вернуться в меню · Акафист Божественным Страстям Христовым
- Воскресенье второй недели Великого поста
- Воскресенье третьей недели Великого поста
- Воскресенье четвёртой недели Великого поста
- Воскресенье пятой недели Великого поста
- Тебе, одеющагося
Воскресенье второй недели Великого поста
Глас 8.
Брозды́ исплюва́х оте́ческия, непостоя́нным умо́м,/ со ско́тскими греха́ помышле́ньми пожи́х,/ все мое́ житие́ ижди́в блу́дно окая́нный аз,/ пи́щи лише́н утвержда́ющия се́рдце,/ вре́менно утучня́ющею сла́стию насы́тихся:/ но О́тче благи́й, не затвори́ ми человеколю́бныя утро́бы,// но отве́рз приими́ мя я́ко блу́днаго сы́на, и спаси́ мя.
Стих: К Тебе́ возведо́х о́чи мои́, Живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, / до́ндеже уще́дрит ны́.
Брозды́ исплюва́х оте́ческия, непостоя́нным умо́м,/ со ско́тскими греха́ помышле́ньми пожи́х,/ все мое́ житие́ ижди́в блу́дно окая́нный аз,/ пи́щи лише́н утвержда́ющия се́рдце,/ вре́менно утучня́ющею сла́стию насы́тихся:/ но О́тче благи́й, не затвори́ ми человеколю́бныя утро́бы,// но отве́рз приими́ мя я́ко блу́днаго сы́на, и спаси́ мя.
Стих: Поми́луй нас, Го́споди, поми́луй нас: я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих / и уничиже́ния го́рдых.
Му́ченицы Госпо́дни/ вся́ко ме́сто освяща́ете,/ и вся́к неду́г врачу́ете:/ и ны́не моли́те изба́витися сете́й вра́жиих// душа́м на́шым, мо́лимся.
Воскресенье третьей недели Великого поста
Глас 8.
Воззре́ти очи́ма на Не́бо не сме́ю окая́нный а́з,/ от лука́вых мои́х дея́ний:/ но я́ко мыта́рь стеня́ взыва́ю ти́:/ Бо́же, очи́сти мя́ гре́шнаго,/ и фарисе́йскаго лицеме́рия изба́ви мя́,// я́ко еди́н благоутро́бен.
Стих: К Тебе́ возведо́х о́чи мои́, Живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, / до́ндеже уще́дрит ны́.
Воззре́ти очи́ма на Не́бо не сме́ю окая́нный а́з,/ от лука́вых мои́х дея́ний:/ но я́ко мыта́рь стеня́ взыва́ю ти́:/ Бо́же, очи́сти мя́ гре́шнаго,/ и фарисе́йскаго лицеме́рия изба́ви мя́,// я́ко еди́н благоутро́бен.
Стих: Поми́луй нас, Го́споди, поми́луй нас: я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих / и уничиже́ния го́рдых.
Му́ченицы Госпо́дни/ вся́ко ме́сто освяща́ете,/ и вся́к неду́г врачу́ете:/ и ны́не моли́те изба́витися сете́й вра́жиих// душа́м на́шым, мо́лимся.
Воскресенье четвёртой недели Великого поста
Глас 7.
Виногра́д насади́вый,/ и де́латели призва́вый, близ есть Спас:/ прииди́те поще́ния подви́жницы мзду восприи́мем,/ я́ко бога́т есть да́вец и ми́лостив:// ма́ло де́лавше, прии́мем душе́вную ми́лость.
Стих: К Тебе́ возведо́х о́чи мои́, Живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, / до́ндеже уще́дрит ны́.
Глас 6.
В разбо́йническия по́мыслы впад Ада́м,/ прельсти́ся умо́м, и уязви́вся душе́ю,/ лежа́ше наг заступле́ния:/ ни свяще́нник же пре́жде зако́на внят ему́,/ ниже́ леви́т по зако́не воззре́в нань:/ то́кмо ты прише́дый Бо́же,/ не от Самари́и, но от Богоро́дицы:// Го́споди сла́ва тебе́.
Стих: Поми́луй нас, Го́споди, поми́луй нас: я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих / и уничиже́ния го́рдых.
Му́ченицы Твои́ Го́споди,/ не отверго́шася Тебе́,/ ни отступи́ша от за́поведей твои́х// тех моли́твами поми́луй нас.
Воскресенье пятой недели Великого поста
Глас 1.
Чу́ден Спа́сов нас ра́ди человеколюби́вый нрав,/ хотя́щих у́бо бы́ти ра́зум,/ я́ко настоя́щих стяжа́в,/ Ла́зарево и бога́таго житие́ обличи́./ Обою́ коне́ц смотря́юще:/ о́ваго у́бо бежи́м немилосе́рдия и безчелове́чия,/ о́ваго же поревну́им терпе́нию и веледу́шию,/ во е́же с ним во Авраа́млих не́драх гре́емым вопи́ти:// правосу́де Го́споди, сла́ва Тебе́.
Стих: К Тебе́ возведо́х о́чи мои́, Живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, / до́ндеже уще́дрит ны́.
Чу́ден Спа́сов нас ра́ди человеколюби́вый нрав,/ хотя́щих у́бо бы́ти ра́зум,/ я́ко настоя́щих стяжа́в,/ Ла́зарево и бога́таго житие́ обличи́./ Обою́ коне́ц смотря́юще:/ о́ваго у́бо бежи́м немилосе́рдия и безчелове́чия,/ о́ваго же поревну́им терпе́нию и веледу́шию,/ во е́же с ним во Авраа́млих не́драх гре́емым вопи́ти:// правосу́де Го́споди, сла́ва Тебе́.
Стих: Поми́луй нас, Го́споди, поми́луй нас: я́ко по мно́гу испо́лнихомся уничиже́ния, наипа́че напо́лнися душа́ на́ша поноше́ния гобзу́ющих / и уничиже́ния го́рдых.
Моли́твами Го́споди, всех святы́х и Богоро́дицы,/ твой мир даждь нам,// и поми́луй нас, я́ко Еди́н щедр.
«Тебе, одеющагося…«
Сла́ва Отцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь.
Глас 5.
Тебе́, оде́ющагося све́том я́ко ри́зою, / снем Ио́сиф с Дре́ва с Никоди́мом, / и ви́дев ме́ртва, на́га, непогребе́на, / благосе́рдный пла́чь восприи́м, / рыда́я глаго́лаше: / увы́ мне́ сладча́йший Иису́се, / Его́же вма́ле со́лнце на Кресте́ ви́сима узре́вшее мра́ком облага́шеся, / и земля́ стра́хом колеба́шеся, / и раздира́шеся церко́вная заве́са: / но се́ ны́не ви́жу Тя́, мене́ ра́ди во́лею подъе́мша сме́рть. / Ка́ко погребу́ Тя Бо́же мой, / или́ како́ю плащани́цею обвию́? / Ко́има ли рука́ма прикосну́ся нетле́нному Твоему́ те́лу? / Или́ ки́я пе́сни воспою́ Твоему́ исхо́ду, Ще́дре? / Велича́ю стра́сти Твоя́, / песносло́влю и погребе́ние Твое́ со Воскресе́нием, зовы́й: // Го́споди сла́ва Тебе́.
Перевод: Тебя, одевающегося светом, как одеждою, Иосиф, сняв с Креста с Никодимом, и видя мёртвым, нагим, не погребённым, начав в глубоком сострадании погребальный плач, с рыданиями возглашал: «Увы мне, Сладчайший Иисусе! Тот, Кого недавно узрев висящим на Кресте, солнце мраком облекалось, и земля от страха колебалась, и разрывалась завеса храма. Но вот, я ныне вижу Тебя ради меня добровольно принявшим смерть. Как я буду погребать Тебя, Боже мой, или как полотном обовью? И какими руками прикоснусь к нетленному Твоему телу? Или какие песни буду петь ради Твоей кончины, Милосердный? Прославляю страдания Твои, воспеваю и Твое погребение с воскресением, восклицая: Господи, слава Тебе!».
Вернуться в меню · Акафист Божественным Страстям Христовым · Наверх