Крестный ход
Вернуться в меню · Пасхальная Заутреня
Стихира воскресная
Воскресе́ние Твое́ Христе́ Спа́се,/ А́нгели пою́т на небесе́х,/ и на́с на земли́ сподо́би// чи́стым се́рдцем Тебе́ сла́вити.
Пасхальное начало
Священник: Сла́ва Святе́й, и Единосу́щней, и Животворя́щей, и Нераздельней Тро́ице, всегда́, ны́не и при́сно, и во ве́ки веко́в.
Хор: Ами́нь.
Духовенство: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. [Трижды]
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в. [Трижды]
Духовенство: Да воскре́снет Бо́г, и расточа́тся врази́ Его́, и да бежа́т от Лица́ Его́ ненави́дящии Его́.
Хор: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в.
Духовенство: Яко исчеза́ет ды́м, да исче́знут, я́ко та́ет во́ск от лица́ огня́.
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в.
Духовенство: Та́ко да поги́бнут гре́шницы от Лица́ Бо́жия, а пра́ведницы да возвеселя́тся.
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в.
Духовенство: Се́й де́нь его́же сотвори́ Госпо́дь, возра́дуемся и возвесели́мся во́нь.
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в.
Духовенство: Сла́ва Отцу́, и Сы́ну, и Свято́му Ду́ху.
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в.
Духовенство: И ны́не, и при́сно, и во ве́ки веко́в, ами́нь.
Хор: Христо́с воскре́се из ме́ртвых,/ сме́ртию сме́рть попра́в,// и су́щым во гробе́х живо́т дарова́в.
Духовенство: Христо́с воскре́се из ме́ртвых, сме́ртию сме́рть попра́в…
Хор: И су́щым во гробе́х живо́т дарова́в.