Глас 7 — Антифоны степенные
Вернуться в меню · Прокимен воскресный · Прокимен праздника
Текст гражданским шрифтом
Антифон 1
Пле́н Сио́нь от ле́сти обрати́в, и мене́, Спа́се, оживи́, изъима́я рабо́тныя стра́сти.
В ю́г се́яй ско́рби по́стныя со сле́зами, се́й ра́достныя по́жнет рукоя́ти присноживопита́ния.
Слáва Отцу́, и Сы́ну, и Святóму Ду́ху.
Святы́м Ду́хом исто́чник Боже́ственных сокро́вищ, от Него́же прему́дрость, ра́зум, стра́х: Тому́ хвала́ и сла́ва, че́сть и держа́ва.
И ны́не, и при́сно, и во вéки векóв. Ами́нь.
Святы́м Ду́хом исто́чник Боже́ственных сокро́вищ, от Него́же прему́дрость, ра́зум, стра́х: Тому́ хвала́ и сла́ва, че́сть и держа́ва.
Антифон 2
А́ще не Госпо́дь сози́ждет до́м душе́вный, всу́е тружда́емся: ра́зве бо того́ ни дея́ние, ни сло́во соверша́ется.
Плода́ чре́вна, святи́и духодви́жно прозяба́ют оте́ческая преда́ния, сыноположе́ния.
Слáва Отцу́, и Сы́ну, и Святóму Ду́ху.
Святы́м Ду́хом, вся́ческая е́же бы́ти и́мут: пре́жде бо все́х Бо́г, все́х Госпо́дьство, Све́т непристу́пен, Живо́т все́х.
И ны́не, и при́сно, и во вéки векóв. Ами́нь.
Святы́м Ду́хом, вся́ческая е́же бы́ти и́мут: пре́жде бо все́х Бо́г, все́х Госпо́дьство, Све́т непристу́пен, Живо́т все́х.
Антифон 3
Боя́щиися Го́спода, пути́ живота́ обре́тше, ны́не и при́сно ублажа́ются сла́вою нетле́нною.
О́крест трапе́зы Твоея́, я́ко сте́блие ви́дя исча́дия Твоя́, ра́дуйся и весели́ся, приводя́ сия́ Христо́ви Пастыренача́льнику.
Слáва Отцу́, и Сы́ну, и Святóму Ду́ху.
Святы́м Ду́хом глубина́ дарова́ний, бога́тство сла́вы, суде́б глубина́ ве́лия: единосла́вен Отцу́, и Сы́ну, служи́мь бо.
И ны́не, и при́сно, и во вéки векóв. Ами́нь.
Святы́м Ду́хом глубина́ дарова́ний, бога́тство сла́вы, суде́б глубина́ ве́лия: единосла́вен Отцу́, и Сы́ну, служи́мь бо.
Николай Иванович Озеров
PDF · MP3 · MSCZ · Видео · В начало
Стих 1
Стих 2
Слава… И ныне…
Вернуться в меню · Прокимен воскресный · Прокимен праздника · Наверх