Зачало 45 (в понедельник 7-й седмицы)
Прокимен
Прокимен, глас 4, песнь отцев: Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки. Стих: Я́ко пра́веден еси́ о всех, я́же сотвори́л еси́ нам.
Зачало 45
Дея́ний святы́х апо́стол чте́ние.
Во дни о́ны, изше́дше Па́вел и и́же с ним, приидо́хом в Кесари́ю, и вше́дше в дом Фили́ппа благове́стника, су́ща от седми́ диа́кон, пребы́хом у него́. Сего́ же бя́ху дще́ри деви́цы четы́ри прорица́ющыя. Пребыва́ющым же нам та́мо дни мно́ги, сни́де не́кто от Иуде́и проро́к, и́менем Ага́в, и прише́д к нам и взем по́яс Па́влов, связа́в же свои́ ру́це и но́зе, рече́: та́ко глаго́лет Дух Святы́й, му́жа, его́же есть по́яс сей, та́ко свя́жут его́ во Иерусали́ме иуде́е и предадя́т в ру́це язы́ков. И я́коже слы́шахом сия́, моли́хом мы же и наме́стнии, не восходи́ти ему́ во Иерусали́м. Отвеща́в же Па́вел и рече́: что творите́, пла́чуще и сокруша́юще ми се́рдце? Аз бо не то́чию свя́зан бы́ти хощу́, но и умре́ти во Иерусали́ме гото́в есмь за и́мя Го́спода Иису́са. Не повину́ющуся же ему́, умолча́хом, ре́кше: во́ля Госпо́дня да бу́дет.Деян.21:8-14
Аллилуарий
Аллилуиа, глас 1: Бог бого́в Госпо́дь глаго́ла, и призва́ зе́млю от восто́к со́лнца до за́пад. Стих: Собери́те Ему́ преподо́бныя Его́, завеща́ющия заве́т Его́ о же́ртвах.