Зачало 112 (в неделю сыропустную)
Вернуться в меню · Зачало 112 (Рождество Иоанна Предтечи) · Зачало 113 (в субботу 9-ю) · Зачало 113 (в понедельник об усопших)
Прокимен
Прокимен, глас 8: Помоли́теся и воздади́те / Го́сподеви Бо́гу на́шему. Стих: Ве́домь во Иуде́и Бог, во Изра́или ве́лие и́мя Его́.
Зачало 112
PDF (ЦСЯ) · PDF (гражданский шрифт) · MP3
К ри́мляном посла́ния свята́го апо́стола Па́вла чте́ние.
Бра́тие, ны́не ближа́йшее нам спасе́ние, не́жели егда́ ве́ровахом. Нощь у́бо пре́йде, а день прибли́жися: отложи́м у́бо дела́ те́мная, и облече́мся во ору́жие све́та. Я́ко во дни, благообра́зно да хо́дим, не козлогласова́нии и пия́нствы, не любодея́нии и студодея́нии, не рве́нием и за́вистию, но облецы́теся Го́сподем на́шим Иису́с Христо́м, и пло́ти уго́дия не твори́те в по́хоти. Изнемога́ющаго же в ве́ре прие́млите, не в сомне́ние помышле́ний. Ов бо ве́рует я́сти вся, а изнемога́яй зе́лия да яст. Яды́й не яду́щаго да не укоря́ет, и не яды́й яду́щаго да не осужда́ет, Бог бо его́ прия́т. Ты кто еси́ судя́й чужде́му рабу́? Своему́ Го́сподеви стои́т, или́ па́дает, ста́нет же, си́лен бо есть Бог поста́вити его́.Рим.13:11-14:4
Аллилуарий
Аллилуиа, глас 6: Бла́го есть испове́датися Го́сподеви, и пе́ти и́мени Твоему́, Вы́шний. Стих: Возвеща́ти зау́тра ми́лость Твою́, и и́стину Твою́ на вся́ку нощь.
Наверх · Вернуться в меню · Зачало 112 (Рождество Иоанна Предтечи) · Зачало 113 (в субботу 9-ю) · Зачало 113 (в понедельник об усопших)