К ри́мляном посла́ния свята́го апо́стола Па́вла чте́ние.
Бра́тие, прие́млите друг дру́га, я́коже и Христо́с прия́т вас во сла́ву Бо́жию. Глаго́лю же Христа́ Иису́са служи́теля бы́вша обре́зания по и́стине Бо́жией, во е́же утверди́ти обетова́ния отце́в. А язы́ком по ми́лости, просла́вити Бо́га, я́коже есть пи́сано: сего́ ра́ди испове́мся Тебе́ во язы́цех, Го́споди, и и́мени Твоему́ пою́. И па́ки глаго́лет: возвесели́теся, язы́цы, с людьми́ Его́. И па́ки: хвали́те Го́спода, вси язы́цы, и похвали́те Его́, вси лю́дие. И па́ки Иса́иа глаго́лет: бу́дет ко́рень Иессе́ов, и востая́й владе́ти над язы́ки, на Того́ язы́цы упова́ют. Бог же упова́ния да испо́лнит вас вся́кия ра́дости и ми́ра в ве́ре, избы́точествовати вам во упова́нии, си́лою Ду́ха Свята́го. Извеще́н же есмь, бра́тие моя́, и сам аз о вас, я́ко и са́ми вы по́лни есте́ бла́гости, испо́лнени вся́каго ра́зума, могу́ще и ины́я научи́ти. Де́рзее же писа́х вам, бра́тие моя́, от ча́сти, я́ко воспомина́я вам, за благода́ть да́нную ми от Бо́га, во е́же бы́ти ми служи́телю Иису́с Христо́ву во язы́цех, священноде́йствующу благовествова́ние Бо́жие, да бу́дет приноше́ние е́же от язы́к благоприя́тно и освяще́нно Ду́хом Святы́м.Рим.15:7-16
Синодальный перевод
Зачало 117
Братия, принимайте друг друга, как и Христос принял вас в славу Божию. Разумею то, что Иисус Христос сделался служителем для обрезанных – ради истины Божией, чтобы исполнить обещанное отцам, а для язычников – из милости, чтобы славили Бога, как написано: за то буду славить Тебя (Господи), между язычниками, и буду петь имени Твоему. И ещё сказано: возвеселитесь, язычники, с народом Его. И ещё: хвалите Господа, все язычники, и прославляйте Его, все народы. Исаия также говорит: будет корень Иессеев, и восстанет владеть народами; на Него язычники надеяться будут. Бог же надежды да исполнит вас всякой радости и мира в вере, дабы вы, силою Духа Святого, обогатились надеждою. И сам я уверен о вас, братия мои, что и вы полны благости, исполнены всякого познания и можете наставлять друг друга; но писал вам, братия, с некоторою смелостью, отчасти как бы в напоминание вам, по данной мне от Бога благодати быть служителем Иисуса Христа у язычников и совершать священнодействие благовествования Божия, дабы сие приношение язычников, будучи освящено Духом Святым, было благоприятно Богу.
