Зачало 125 (на Воздвижение Креста Господня)
Вернуться в меню · Зачало 125 (в субботу 12-ю) · Зачало 125 (в субботу по Крестовоздвижении) · Зачало 126
Прокимен
Прокимен, глас 7: Возноси́те Го́спода, Бо́га на́шего, / и покланя́йтеся подно́жию но́гу Его́, я́ко свя́то есть. Стих: Госпо́дь воцари́ся, да гне́ваются лю́дие.
Зачало 125
PDF (ЦСЯ) · PDF (гражданский шрифт) · MP3
К кори́нфяном посла́ния свята́го апо́стола Па́вла чте́ние.
Бра́тие, сло́во кре́стное погиба́ющим у́бо юро́дство есть, а спаса́емым нам си́ла Бо́жия есть. Пи́сано бо есть: погублю́ прему́дрость прему́дрых, и ра́зум разу́мных отве́ргу. Где прему́др? Где кни́жник? Где совопро́сник ве́ка сего́? Не обуи́ ли Бог прему́дрость ми́ра сего́? Поне́же бо в прему́дрости Бо́жией не разуме́ мир прему́дростию Бо́га, благоизво́лил Бог бу́йством про́поведи спасти́ ве́рующих. Поне́же и иуде́е зна́мения про́сят, и е́ллини прему́дрости и́щут: Мы же пропове́дуем Христа́ ра́спята, иуде́ем у́бо собла́зн, е́ллином же безу́мие. Саме́м же зва́нным, иуде́ем же и е́ллином, Христа́, Бо́жию си́лу и Бо́жию прему́дрость.1Кор.1:18-24
Аллилуарий
Аллилуиа, глас 1: Помяни́ сонм Твой, его́же стяжа́л еси́ испе́рва. Стих: Бог же, Царь наш пре́жде ве́ка, соде́ла спасе́ние посреде́ земли́.
Наверх · Вернуться в меню · Зачало 125 (в субботу 12-ю) · Зачало 125 (в субботу по Крестовоздвижении) · Зачало 126