Зачало 64 (в пяток 33-й недели по Пятидесятнице)

Вернуться в меню · Зачало 65 (Преображение Господне)

Зачало 64

PDF (ЦСЯ) · PDF (гражданский шрифт) · MP3

Собо́рнаго посла́ния Петро́ва чте́ние.

Си́мон Петр, раб и посла́нник Иису́с Христо́в, равноче́стную с на́ми получи́вшим ве́ру в пра́вде Бо́га на́шего и Спа́са Иису́са Христа́, благода́ть вам и мир да умно́жится в позна́нии Бо́га, и Христа́ Иису́са Го́спода на́шего. Я́ко вся нам Боже́ственныя си́лы Его́, я́же к животу́ и благоче́стию, подана́ ра́зумом Призва́вшаго нас сла́вою и доброде́телию. И́миже честна́я нам и вели́кая обетова́ния дарова́шася, я́ко да сих ра́ди бу́дете Боже́ственнаго прича́стницы естества́, отбе́гше, я́же в ми́ре, по́хотныя тли. И са́мое же сие́, тща́ние все привне́сше, подади́те в ве́ре ва́шей доброде́тель, в доброде́тели же ра́зум, в ра́зуме же воздержа́ние, в воздержа́нии же терпе́ние, в терпе́нии же благоче́стие, во благоче́стии же братолю́бие, в братолю́бии же любо́вь. Сим бо су́щим в вас и мно́жащимся, не пра́здных, ниже́ безпло́дных сотворя́т вы в Го́спода на́шего Иису́са Христа́ позна́ние. Ему́же бо несть сих, слеп есть, мжай, забве́ние прие́м чище́ния дре́вних свои́х грехо́в. Те́мже па́че, бра́тие, потщи́теся изве́стно ва́ше зва́ние и избра́ние твори́ти.^{2Петр.1:1-10}

Наверх · Вернуться в меню · Зачало 65 (Преображение Господне)