Зачало 93 (в неделю 4-ю по Пятидесятнице)
Зачало 93
PDF (ЦСЯ) · PDF (гражданский шрифт) · MP3
К ри́мляном посла́ния свята́го апо́стола Па́вла чте́ние.
Бра́тие, свобо́ждшеся от греха́, порабо́тистеся пра́вде. Челове́ческо глаго́лю, за не́мощь пло́ти ва́шея. Я́коже у́бо предста́висте у́ды ва́ша рабы́ нечистоте́ и беззако́нию в беззако́ние, та́ко ны́не предста́вите у́ды ва́ша рабы́ пра́вде во святы́ню. Егда́ бо раби́ бе́сте греха́, свобо́дни бе́сте от пра́вды. Кий у́бо тогда́ име́сте плод? О ни́хже ны́не стыдите́ся, кончи́на бо о́нех, смерть. Ны́не же свобо́ждшеся от греха́, порабо́щшеся же Бо́гови, и́мате плод ваш во святы́ню, кончи́ну же жизнь ве́чную. Обро́цы бо греха́ смерть: дарова́ние же Бо́жие живо́т ве́чный о Христе́ Иису́се Го́споде на́шем.Рим.6:18-23