Зачало 98 (в четверток 3-й недели по Пятидесятнице)
Вернуться в меню · Зачало 99 (великомученикам)
Зачало 98
PDF (ЦСЯ) · PDF (гражданский шрифт) · MP3
К ри́мляном посла́ния свята́го апо́стола Па́вла чте́ние.
Бра́тие, ве́мы, я́ко вся тварь с на́ми совоздыха́ет и сболе́знует да́же доны́не, не то́чию же, но и са́ми нача́ток Ду́ха иму́ще, и мы са́ми в себе́ воздыха́ем, всыновле́ния ча́юще, избавле́ния те́лу на́шему. Упова́нием бо спасо́хомся. Упова́ние же ви́димое, несть упова́ние, е́же бо ви́дит кто, что и упова́ет? А́ще ли, его́же не ви́дим, наде́емся, терпе́нием ждем. Си́це же и Дух спосо́бствует нам в не́мощех на́ших, о чесо́м бо помо́лимся, я́коже подоба́ет, не ве́мы, но Сам Дух хода́тайствует о нас воздыха́нии неизглаго́ланными. Испыта́яй же сердца́ весть, что есть мудрова́ние Ду́ха, я́ко по Бо́гу припове́дует о святы́х.Рим.8:22-27