Сподоби, Господи
Вернуться в меню · Просительная ектения · Стихиры на стиховне
Текст гражданским шрифтом
Сподо́би Го́споди в ве́чер се́й без греха́ сохрани́тися на́м. Благослове́н еси́ Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.
Бу́ди Го́споди, ми́лость Твоя́ на на́с, я́коже упова́хом на Тя́. Благослове́н еси́ Го́споди, научи́ мя оправда́нием Твои́м. Благослове́н еси́ Влады́ко, вразуми́ мя́ оправда́нием Твои́м. Благослове́н еси́ Святы́й, просвети́ мя́ оправда́нии Твои́ми.
Го́споди, ми́лость Твоя́ во ве́к, де́л руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху ны́не, и при́сно, и во ве́ки веко́в. Ами́нь.
Вернуться в меню · Просительная ектения · Стихиры на стиховне · Наверх