11 октября 2026
Главная страница · Вернуться в Нотный тропарион
- Воскресенье 2-го гласа
- Преподобный Харитон исповедник
- Преподобные Кирилл и Мария Радонежские
- Великая княгиня Елисавета и инокиня Варвара
- Благоверный князь Вячеслав Чешский
- Собор святых Челябинской митрополии
- Собор святых Кубанской митрополии
Внимание! Приведённые в «Нотном тропарионе» напевы — это не единственно верный вариант распева, а лишь один из возможных способов исполнения тропарей и кондаков. В разных епархиях и даже в отдельных храмах бытуют свои традиции и местные варианты мелодий, и регент вправе опираться на тот обиход, который принят в его приходе.
Воскресенье 2-го гласа
Текст гражданским шрифтом
Тропарь, глас 2.
Егда́ снизше́л еси́ к сме́pти, Животе́ Безсме́pтный,/ тогда́ ад умеpтви́л еси́ блиста́нием Божества́:/ егда́ же и уме́pшия от пpеиспо́дних воскpеси́л еси́,/ вся Си́лы Небе́сныя взыва́ху:// Жизнода́вче, Хpисте́ Бо́же наш, сла́ва Тебе́.
Богородичен, глас 2.
Вся па́че смы́сла,/ вся пресла́вная Твоя́, Богоро́дице, та́инства,/ чистоте́ запеча́танной, и де́вству храни́му,/ Ма́ти позна́лася еси́ нело́жна,/ Бо́га ро́ждши и́стиннаго;// Того́ моли́ спасти́ся душа́м на́шим.
Кондак, глас 2.
Воскре́сл еси́ от гр́оба, Всеси́льне Спа́се,/ и ад ви́дев чу́до, ужасе́ся,/ и ме́ртвии воста́ша;/ тварь же ви́дящи сра́дуется Тебе́,/ и Ада́м свесели́тся,// и мир, Спа́се мой, воспева́ет Тя при́сно.
Преподобный Харитон Исповедник
Текст гражданским шрифтом
Тропарь, глас 8.
Сле́з твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Харито́не о́тче наш.// Моли́ Христа́ Бо́га, спасти́ся душа́м на́шим.
Кондак, глас 2.
Наслади́вся, богому́дре, воздержа́ния,/ и пло́ти твоея́ вожделе́ния обузда́в,/ яви́лся еси́ ве́рою возраща́емь,/ и я́ко жи́зни дре́во посреде́ рая́ процве́л еси́,// Харито́не всеблаже́нне, свяще́ннейший.
Текст на русском языке
Тропарь, глас 8.
Слез твоих потоками ты возделал бесплодную пустыню,/ и стенаниями из глубины плод трудов своих умножил во сто крат,/ и сделался светилом вселенной, сияя чудесами,// Харитон, отче наш, моли Христа Бога о спасении душ наших.
Кондак, глас 2.
Насладившись, Богомудрый, воздержанием,/ и плоти твоей желания обуздав,/ ты стал возрастать в вере/ и процвел как дерево жизни в раю,// Харитон всеблаженный, священнейший.
Преподобные Кирилл и Мария Радонежские
Текст гражданским шрифтом
Тропарь, глас 3.
Блаже́нств Христо́вых прича́стницы,/ честна́го супру́жества и попече́ния о ча́дех до́брый о́бразе,/ пра́веднии Кири́лле и Мари́е,/ плод благоче́стия, Се́ргия преподо́бнаго, нам яви́вшии,/ с ни́мже усе́рдно моли́те Го́спода/ низпосла́ти нам дух любве́ и смиренному́дрия,/ да в ми́ре и единомы́слии// просла́вим Тро́ицу Единосу́щную.
Кондак, глас 4.
Днесь, ве́рнии, соше́дшеся,/ восхва́лим дво́ицу блаже́нную, благове́рнаго Кири́лла и Мари́ю добронра́вную,/ ти́и бо мо́лятся вку́пе со возлю́бленным сы́ном свои́м преподо́бным Се́ргием/ ко Еди́ному во Святе́й Тро́ице Бо́гу/ оте́чество на́ше в правове́рии утверди́ти,/ до́мы ми́ром огради́ти,/ ю́ныя от напа́стей и собла́знов изба́вити,/ ста́рость укрепи́ти// и спасти́ ду́ши на́ша.
Текст на русском языке
Тропарь, глас 3.
Блаженств Христовых причастники,/ почитаемого супружества и заботы о детях прекрасный пример,/ праведные Кирилл и Мария,/ плод благочестия, Сергия преподобного, нам явившие,/ с ним же усердно молите Господа/ ниспослать нам дух любви и смиренномудрия,/ да в мире и единомыслии// прославим Троицу Единосущную.
Кондак, глас 4.
Сегодня, верующие, собравшись,/ прославим пару блаженную, благоверного Кирилла и Марию благонравную,/ ибо они молятся вместе с возлюбленным сыном своим преподобным Сергием/ к Единому во Святой Троице Богу,/ Отечество наше в Православии утвердить,/ семьи в мире сохранить,/ юных от напастей и соблазнов избавить,/ старость укрепить// и спасти души наши.
Преподобномученица великая княгиня Елисавета
Текст гражданским шрифтом
Тропарь, глас 1.
Смире́нием досто́инство кня́жеское сокры́вши,/ богому́драя Елисаве́то,/ сугу́бым служе́нием Ма́рфы и Мари́и/ Христа́ почти́ла еси́./ Милосе́рдием, терпе́нием и любо́вию себе́ предочи́стивши,/ я́ко же́ртва пра́ведная Бо́гу принесла́ся еси́./ Мы же, чту́ще доброде́тельное житие́ и страда́ния твоя́,/ я́ко и́стинную наста́вницу усе́рдно про́сим тя:/ свята́я му́ченице вели́кая княги́не Елисаве́то,// моли́ Христа́ Бо́га спасти́ и просвети́ти ду́ши на́ша.
Иной тропарь, глас 2.
В красоте́ земне́й красоту́ Небе́сную показа́ла еси́,/ свята́я преподобному́ченица Елисаве́то,/ и жена́м-мироно́сицам Мари́и и Ма́рфе подража́ла еси́,/ в служе́нии Бо́гу и лю́дем стра́ждущим./ Те́мже просла́ви тя Христо́с Бог,/ я́ко еди́ну от святы́х жен росси́йских,// да́рующих нам мир и ве́лию ми́лость.
Кондак, глас 2.
Вели́чие по́двига ве́ры кто пове́сть?/ Во глубине́ земли́, я́ко в раи́ све́тлости,/ страстоте́рпица вели́кая княги́ня Елисаве́та/ со А́нгелы во псалме́х и пе́ниих ра́довашеся/ и, убие́ние претерпева́ющи,/ о безбо́жных мучи́телех взыва́ше:/ Го́споди, прости́ им грех сей,/ не ве́дят бо, что творя́т./ Тоя́ моли́твами, Христе́ Бо́же,// поми́луй и спаси́ ду́ши на́ша.
Иной кондак, глас 5.
От сла́вы ца́рственныя, взе́мши Крест Христо́в,/ прешла́ еси́ к сла́ве Небе́сней, моля́щи за враго́в,/ и обрела́ еси́ ра́дость ве́чную,/ свята́я му́ченице княги́не Елисаве́то,/ с Варва́рою му́ченицею./ Те́мже мо́лим вас:// моли́те о душа́х на́ших.
Текст на русском языке
Тропарь, глас 1.
В смирении скрыв княжеское достоинство,/ Богомудрая Елисавета,/ особым служением Марфы и Марии/ ты почтила Христа./ Милосердием, терпением и любовью себя предочистив,/ как жертва праведная ты принесла себя Богу./ Мы же, почитая добродетельное житие и мучения твои,/ как истинную наставницу усердно просим тебя:/ «Святая мученица великая княгиня Елизавета,// моли Христа Бога о спасении и просвещении душ наших».
Иной тропарь, глас 2.
В красоте земной красоту Небесную ты явила,/ святая преподобномученица Елисавета,/ и женам-мироносицам Марии и Марфе подражала ты,/ в служении Богу и людям страдающим./ Потому прославил тебя Христос Бог,/ как одну из святых жен российских,// дарующих нам мир и великую милость.
Кондак, глас 2.
Вели́чие по́двига ве́ры кто пове́сть?/ Во глубине́ земли́, я́ко в раи́ све́тлости,/ страстоте́рпица вели́кая княги́ня Елисаве́та/ со А́нгелы во псалме́х и пе́ниих ра́довашеся/ и, убие́ние претерпева́ющи,/ о безбо́жных мучи́телех взыва́ше:/ Го́споди, прости́ им грех сей,/ не ве́дят бо, что творя́т./ Тоя́ моли́твами, Христе́ Бо́же,// поми́луй и спаси́ ду́ши на́ша.
Иной кондак, глас 5.
От царственной славы (земной), подняв Крест Христов,/ ты перешла к славе Небесной, молясь о врагах,/ и обрела ты радость вечную,/ святая мученица княгиня Елисавета,/ с мученицей Варварой./ Потому молим вас:// «Молите о душах наших».
Благоверный князь Вячеслав Чешский
Текст гражданским шрифтом
Тропарь, глас 4.
Днесь А́нгели с челове́ки ра́дуются вку́пе о́бщим весе́лием,/ Не́бо и земля́ све́тло лику́ют в па́мять твою́, свя́те./ И мы, гре́шнии, приле́жно ти вопие́м:/ помоли́ся к Влады́це о нас,/ изба́вити ны от напа́сти/ ви́димых и неви́димых враг,// чту́щих пресве́тлую па́мять твою́.
Перевод: Сегодня Ангелы с людьми радуются вместе общей радостью, Небо и земля громко поют в память твою, святой. И мы, грешные, настойчиво к тебе взываем: помолись Владыке о нас об избавлении от нападения видимых и невидимых врагов, так как мы почитаем пресветлую память твою.
На чешском: Svatý mučedníku, kníže Václave, národa slovanského nebeský ochránce, pros milostivého Boha, aby chránil nás a spasil duše naše.
Иной тропарь, глас 8.
Благочести́ваго ко́рене о́трасль пречестна́я,/ святы́й благове́рный вели́кий кня́же Вячесла́ве,/ побо́рник быв Восто́чныя в Че́хах Це́ркве/ и прибе́жище те́плое убо́гим и си́рым,/ я́ко вторы́й А́вель, незло́биве претерпе́л еси́ смерть,/ во главу́ усече́н руко́ю бра́та пред враты́ церко́вными./ Те́мже и всели́ тя Христо́с/ я́ко испове́дника пра́выя ве́ры во оби́тели Небе́сныя,/ просла́ви всечестну́ю па́мять твою́ в слове́нских язы́цех/ и дарова́ тя ско́раго помо́щника всем, почита́ющим тя./ Моли́ся о лю́дех твои́х ко Го́споду,// да обрати́т их в ло́но Правосла́вныя Це́ркве и спасе́т ду́ши на́ша.
Перевод: Благочестивого корня росток почитаемый, святой благоверный великий князь Вячеслав, ты был защитником Восточной Церкви в Чехии и теплым пристанищем нищим и сиротам, как второй Авель, невинно претерпел ты смерть, убитый рукой брата перед воротами церкви. Потому и вселил тебя Христос, как исповедника истинной веры в обители Небесные, прославил почитаемую память твою среди славянских народов и даровал тебя, быстрого помощника всем, почитающим тебя. Молись о людях твоих ко Господу, да обратит их в лоно Православной Церкви и спасет души наши.
Кондак, глас 1.
С ли́ки А́нгельскими предстоя́,/ блаже́нне кня́же Вячесла́ве,/ наслажда́ешися Боже́ственныя и неизрече́нныя добро́ты,/ и отту́ду благоде́тельныя да́ры поче́рп чуде́с,/ всем, притека́ющим ве́рою под твою́ святы́ню// источа́еши цельба́м дарова́ние.
Перевод: С ангельскими хорами пребывая, блаженный князь Вячеслав, наслаждаешься Божественной и несказанной красотой, и оттуда почерпнув дары благотворения чудес, всем, приходящим с верой к твоей святыне, источаешь исцелений дарование.
На чешском: S andělskými zástupy předstojíc, blažený Václave, kníže, nasloucháš Jeho nevýslovné kráse a dobroty, blahoslavený, a načerpav z ní dobrodiní zázraků, všem, kdo se ke svatosti tvé utíkají s vírou, podáváš dar uzdravení.
Собор святых Челябинской митрополии
Текст гражданским шрифтом
Тропарь, глас 4.
Святи́и уго́дницы Христо́вы,/ скорбя́ще, гони́ми и унижа́еми,/ сокро́вище Ева́нгелия в сердца́х ва́ших сохрани́сте/ и живо́т ве́чный насле́довасте,/ те́мже и нас моли́твами ва́шими в чистоте́ и пра́вде сохрани́те/ и лю́ди земли́ на́шея// ра́зумом и́стины просвети́те.
Кондак, глас 3.
Вас, святи́и уго́дницы на́ши,/ Челя́бинская земля́ славосло́вит/ и по́двигу ва́шему диви́тся,/ вы бо, телеса́ ра́нам преда́вше,/ венцы́ нетле́нныя от Христа́ прия́ли есте́,/ те́мже моли́твами ва́шими ко Го́споду/ помози́те нам в терпе́нии крест свой понести́// и душа́м на́шим испроси́те ве́лию ми́лость.
Собор святых Кубанской митрополии
Текст гражданским шрифтом
Тропарь, глас 4.
Днесь ликовству́ет земля́ Куба́нская, / прославля́ющи святи́тели, преподо́бныя и новому́ченики своя́, / во благоче́стии подвиза́вшияся и страда́ньми украси́вшияся,/ и небе́сныя венцы́ от Го́спода прие́мшия. / Те́мже пра́зднующе свяще́нное их торжество́, / с ве́рою и любо́вию вопие́м:/ святи́и сро́дницы и те́плии хода́таи на́ши,/ моли́те Оте́честву мир дарова́ти // и душа́м на́шим ве́лию ми́лость.
Кондак, глас 2.
Тве́рдии Правосла́вия испове́дницы/ и ве́ры апо́стольския служи́телие,/ вси святи́и в земли́ Куба́нстей просия́вшии/ и преде́лы ю́жныя земли́ Росси́йския просла́вившии./ Восхваля́юще по́двиги и труды́ ва́ша,/ страда́ния же и муче́ния почита́юще,/ во умиле́нии вси зове́м: // ра́дуйтеся, земли́ Куба́нския похвало́ и Це́ркве на́шея украше́ние.