К ри́мляном посла́ния свята́го апо́стола Па́вла чте́ние.
Бра́тие, а́ще врази́ бы́вше примири́хомся Бо́гу сме́ртию Сы́на Его́, мно́жае па́че примири́вшеся спасе́мся в животе́ Его́. Не то́чию же, но и хва́лимся о Бо́зе Го́сподем на́шим Иису́с Христо́м, И́мже ны́не примире́ние прия́хом. Сего́ ра́ди я́коже еди́нем челове́ком грех в мир вни́де, и грехо́м смерть, и та́ко смерть во вся челове́ки вни́де, в не́мже вси согреши́ша. До зако́на бо грех бе в ми́ре, грех же не вменя́шеся, не су́щу зако́ну. Но ца́рствова смерть от Ада́ма да́же до Моисе́а и над несогре́шшими по подо́бию преступле́ния Ада́мова, и́же есть о́браз бу́дущаго. Но не я́коже прегреше́ние, та́ко и дар. А́ще бо прегреше́нием еди́наго мно́зи умро́ша, мно́жае па́че благода́ть Бо́жия и дар благода́тию еди́наго Челове́ка Иису́са Христа́ во мно́гих преизли́шествова. И не я́коже еди́нем согре́шшим, дарова́ние. Грех бо из еди́наго во осужде́ние, дар же от мно́гих прегреше́ний во оправда́ние.Рим.5:10-16
Синодальный перевод
Зачало 89
Братия, если, будучи врагами, мы примирились с Богом смертью Сына Его, то тем более, примирившись, спасемся жизнью Его. И не довольно сего, но и хвалимся Богом чрез Господа нашего Иисуса Христа, посредством Которого мы получили ныне примирение. Посему, как одним человеком грех вошел в мир, и грехом смерть, так и смерть перешла во всех людей, потому что в нем все согрешили. Ибо и до закона грех был в мире; но грех не вменяется, когда нет закона. Однако же смерть царствовала от Адама до Моисея и над несогрешившими подобно преступлению Адама, который есть образ будущего. Но дар благодати не как преступление. Ибо если преступлением одного подверглись смерти многие, то тем более благодать Божия и дар по благодати одного Человека, Иисуса Христа, преизбыточествуют для многих. И дар не как суд за одного согрешившего; ибо суд за одно преступление – к осуждению; а дар благодати – к оправданию от многих преступлений.
