Зачало 92 (в субботу 4-ю по Пятидесятнице)
Зачало 92
PDF (ЦСЯ) · PDF (гражданский шрифт) · MP3
К ри́мляном посла́ния свята́го апо́стола Па́вла чте́ние.
Бра́тие, помышля́йте себе́ ме́ртвых у́бо бы́ти греху́, живы́м же Бо́гови, о Христе́ Иису́се Го́споде на́шем. Да не ца́рствует у́бо грех в ме́ртвеннем ва́шем те́ле, во е́же послу́шати его́ в по́хотех его́, ниже́ представля́йте у́ды ва́ша ору́жия непра́вды греху́, но представля́йте себе́ Бо́гови я́ко от ме́ртвых жи́вы, и у́ды ва́ша ору́жия пра́вды Бо́гови. Грех бо ва́ми да не облада́ет. Не́сте бо под зако́ном, но под благода́тию. Что у́бо, согреши́м ли, зане́ не́смы под зако́ном, но под благода́тию, да не бу́дет. Не ве́сте ли, я́ко ему́же представля́ете себе́ рабы́ в послуша́ние, раби́ есте́, его́же послу́шаете, или́ греха́ в смерть, или́ послуша́ния в пра́вду? Благодари́м у́бо Бо́га, я́ко бе́сте раби́ греху́, послу́шасте же от се́рдца, во́ньже и преда́стеся о́браз уче́ния.Рим.6:11-17