Зачало 96 (двадцать восьмого декабря, мчч. 20-ти тысяч, в Никомидии сожженных)

Вернуться в меню · Зачало 96 (в среду 3-й недели) · Зачало 96 (4 января) · Зачало 97

Прокимен
праздника и святых

Прокимен, глас 5: Ты, Го́споди, сохрани́ши ны, и соблюде́ши ны от ро́да сего́ и во век.

Зачало 96

PDF (ЦСЯ) · PDF (гражданский шрифт) · MP3

К ри́мляном посла́ния свята́го апо́стола Па́вла чте́ние.

Бра́тие, немощно́е зако́на, в не́мже немоществова́ше пло́тию, Бог Сы́на Своего́ посла́ в подо́бии пло́ти греха́, и о гресе́ осуди́ грех во пло́ти, да оправда́ние зако́на испо́лнится в нас, не по пло́ти ходя́щих, но по ду́ху. Су́щии бо по пло́ти, плотска́я му́дрствуют. А и́же по ду́ху, духо́вная. Мудрова́ние бо плотско́е смерть есть, а мудрова́ние духо́вное живо́т и мир, зане́ мудрова́ние плотско́е вражда́ на Бо́га, зако́ну бо Бо́жию не покаря́ется, ниже́ бо мо́жет. Су́щии же во пло́ти, Бо́гу угоди́ти не мо́гут. Вы же не́сте во пло́ти, но в ду́се, поне́же Дух Бо́жий живе́т в вас.^Рим.8:3-9

Аллилуарий
праздника и святых

Аллилуиа, глас 4: Воскли́кните Го́сподеви вся земля́, по́йте же и́мени Его́, дади́те сла́ву хвале́ Его́. Стих: Я́ко искуси́л ны еси́, Бо́же, разже́гл ны еси́, я́коже разжиза́ется сребро́.

Наверх · Вернуться в меню · Зачало 96 (в среду 3-й недели) · Зачало 96 (4 января) · Зачало 97