25 января. Святителя Саввы, первого Архиепископа Сербского. Попразднство Богоявления Господня

Всенощное бдение на планшете · Литургия на планшете

Стихиры на «Го́споди, воззва́х…» (на 4)

Глас 4.
Подобен: «Дал еси́ зна́мение…»

Стих: От стра́жи у́тренния до но́щи, от стра́жи у́тренния / да упова́ет Изра́иль на Го́спода.

Стих: Я́ко у Го́спода ми́лость, и мно́гое у Него́ избавле́ние, / и Той изба́вит Изра́иля от всех беззако́ний его́.

Святи́тель Богоприя́тен,/ и па́стырь и́стинен,/ столп непревра́тен,/ основа́ние ве́ры неподви́жимо,/ благоче́стия степе́нь непоколе́блемый,/ забра́ло Це́ркве неруши́мо,/ святи́телем добро́та,/ и чуде́с исто́чник, Са́вво, был еси́,/ тем тя ублажа́ем бла́гочести́вно пе́сньми,// и всесвяще́нную твою́ соверша́ем па́мять. [Дважды]

Стих: Хвали́те Го́спода вси язы́цы, / похвали́те Его́ вси лю́дие,

Со́лнца светле́йши просвеще́нная па́мять твоя́/ ве́рным возсия́ лю́дем твои́м,/ Боже́ственными блиста́нии сия́ просвеща́ющи,/ Са́вво вседо́блий, о́тче свяще́нне,/ и де́монов тьму отгоня́щи./ Те́мже тя ублажа́ем, и моле́бно воспева́ем/ я́ко отечестволю́бца и предста́теля,// и моли́твенника о душа́х на́ших.

Стих: Я́ко утверди́ся ми́лость Его́ на нас, / и и́стина Госпо́дня пребыва́ет во век.

Благоуха́ет ра́ка свята́го твоего́ те́ла,/ святи́телю Богодухнове́нне,/ Христо́во бо вселе́ние и благоуха́ние был еси́/ и словесы́ твои́ми Богодохнове́нными/ е́реси злосмра́дныя низложи́в,/ лю́ди твоя́ облагоуха́л еси́./ И ны́не мо́лим тя:/ помяни́ вся, ве́рою тя помина́ющия,// ко Го́споду дерзнове́ние я́ко стяжа́в, Богоно́се.

Слáва Отцу́, и Сы́ну, и Святóму Ду́ху.

Глас 8.

Олядене́вшую зе́млю се́рдца люде́й твои́х/ словесы́ твои́ми возде́лав,/ и присноцвету́щия плоды́ благоче́стия в них израсти́л еси́ Бо́гу,/ и чистото́ю жития́ твоего́ ра́зумы их украси́л еси́,/ и на ре́вность подви́гл еси́ с собо́ю А́нгельскому мона́шествующих житию́,/ преоби́дети же привре́менная увеща́л еси́,/ Боже́ственная цевни́це, бо́дрое о́ко,/ па́стырей па́стырю,/ Са́вво блаже́нне о́тче свяще́нне,/ приими́ и нас, хва́лящих тя,/ Христу́ Богу моля́ся о душа́х на́ших.

И ны́не, и при́сно, и во вéки векóв. Ами́нь.

Глас 5.

Зря́щи Тя́ естество́ вся́кое земноро́дных, на́га в вода́х,/ Соде́теля Креще́ния прося́ща,/ изменя́шеся стра́хом и ужаса́шеся./ Предте́ча же тре́петом содержи́мь бя́ше,/ не сме́я прибли́житися Тебе́./ Мо́ре побеже́, Иорда́н струи́ возврати́./ Го́ры взыгра́шася зря́ще,/ и а́нгельския си́лы удивля́хуся, глаго́люще:/ о чудесе́!/ Спас обнажа́ется,// оде́яти хотя́ во спасе́ние челове́ки и обновле́ние.

Стихиры на стиховне

Глас 2.
Подо́бен: «До́ме Евфра́фов».

Ум влады́ку/ на стра́сти поста́вив,/ плотолю́бием не порабо́тився,/ А́нгельски чистото́ю,/ Са́вво, пожи́л еси́.

Стих: Честна́ пред Го́сподем/ сме́рть преподо́бных Его́.

Влады́ка сый/ своеплеме́нным,/ апо́стол же па́ки и первосвяти́тель,/ лю́дем твои́м/ от Христа, о́тче, дарова́лся еси́.

Стих: Блаже́н му́ж боя́йся Го́спода,/ в за́поведех Его́ восхо́щет зело́.

Ста́до твое́/ слове́сное, о́тче,/ проти́вными нерасточа́емо,/ ко Христу́ моли́твами,/ Са́вво, соблюда́й.

Слáва Отцу́, и Сы́ну, и Святóму Ду́ху.

Глас 4.

От пеле́н лю́бящия тя лю́ди твоя возлюби́л еси́,/ о ни́хже и до сме́рти труди́вся,/ и по сме́рти сих не оста́вил еси́,/ и́же це́ла и благоуха́юща от чуждестра́нствия прие́мше тя,/ и я́ко у́тварь ца́рскую иму́ще тя веселя́тся:/ украси́ бо сих престо́лом первосвяти́тельства,/ и, ца́рствием удобри́в, почи́л еси́,/ и ве́рою Тро́йческою утверди́л еси́./ И ны́не пе́нием пе́сней боголе́пных/ твою́ па́мять почита́ют, моля́щеся:/, Богоно́се о́тче, Са́вво всесвяще́нне,/ Христа́ Бо́га моли́, спасти́ся душа́м на́шим.

И ны́не, и при́сно, и во вéки векóв. Ами́нь.

Глас 6.

Воспои́м, ве́рнии, е́же о нас Бо́жия благодея́ния вели́чество:/ о на́шем бо прегреше́нии быв Челове́к,/ на́шим очище́нием очища́ется во Иорда́не,/ Еди́н чи́стый и нетле́нный,/ освяща́яй мене́ и во́ды,/ и главы́ змие́в сокруша́яй в воде́./ Почерпе́м у́бо во́ду с весе́лием, бра́тие:/ благода́ть бо Ду́ха,/ ве́рно почерпа́ющим, неви́димо подава́ется// от Христа́ Бо́га, и Спа́са душ на́ших.

Тропарь

Глас 3.

Пути́, вводя́щаго в жизнь,/ наста́вник, и первопресто́льник, и учи́тель был еси́:/ пе́рвее бо прише́д, святи́телю Са́вво,/ оте́чество твое́ просвети́л еси́/ и, породи́в то́е Ду́хом Святы́м,/ я́ко древа́ ма́слинная,/ в мы́сленнем раи́ насади́л еси́ всеосвяще́нная твоя́ ча́да./ Тем, я́ко апо́столом и святи́телем сопресто́льна/ чту́ще тя, мо́лим:/ моли́ Христа́ Бо́га/ дарова́ти нам ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 1.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя́ Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.

«Блаже́н муж…»
1-й антифон

Стихиры на «Го́споди, воззва́х…» (на 8)

Глас 8.
Подобен: «Го́споди, а́ще и на суди́щи…»

Го́споди, воззва́х к Тебе́, услы́ши мя́: / вонми́ гла́су моле́ния моего́, / внегда́ воззва́ти ми́ к Тебе́. // Услы́ши мя́, Го́споди.

Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю — / же́ртва вече́рняя. // Услы́ши мя́, Го́споди.

Стих: Из глубины́ воззва́х к Тебе́, Го́споди, / Го́споди, услы́ши глас мой.

Го́споди, / а́ще и крести́тися претерпе́л еси́ пло́тию, Безгре́шне, / свободи́ти мі́р от греха́ хотя́, / но Бо́га Тя́ мы ве́дуще, сла́вим: / крести́вся бо изба́вил еси́ от рабо́ты // ду́шы на́ша.

Стих: Да бу́дут у́ши Твои́ / вне́млюще гла́су моле́ния моего́.

Го́споди, егда́ на Иорда́нския струи́, / воплоти́вся прише́л еси́, / да освяти́ши во́ду / сла́вным Твои́м Креще́нием, Иоа́нну Твой верх / преклони́ти изво́лил еси́ / и креща́ешися от раба́, // да спасе́ши ду́шы на́ша.

Стих: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Го́споди, / спасти́ восхоте́в от ле́сти мир, / его́же созда́л еси́, / из Неискусобра́чныя Де́вы / воплоти́тися изво́лил еси́: / и Ада́ма от тли изба́вил еси́, / я́ко Человеколю́бец, / и крести́вся же дарова́л еси́ просвеще́ние // душа́м на́шым.

Глас 1.
Подобен: «Я́ко до́бля…»

Стих: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Отца́, су́щаго на Небесе́х, возлюби́в,/ земна́го оста́вил еси́/ и пусты́ню пости́гл еси́./ Отону́дуже поще́нием и моли́твами/ Ду́ха Свята́го зарю́, о́тче, восприе́м,/ во тьме неве́дения лю́ди твоя́/ па́че со́лнца, прише́д, просвети́л еси́,/ Христа́ пропове́дая во двою́ Существу́,/ нас ра́ди из Де́вы возсия́вшаго.

Стих: От стра́жи у́тренния до но́щи, от стра́жи у́тренния / да упова́ет Изра́иль на Го́спода.

Апо́столов равнопропове́дателя,/ святи́телем единому́дренна,/ по́стником сподви́жника,/ па́стыря су́ща избра́нна,/ ми́лости же благоутро́бна пода́теля,/ досто́йно восхваля́ем тя, Са́вво о́тче Богому́дре,/ и Богото́чную реку́ уче́ний,/ беззако́нныя е́реси потопи́вшую.

Стих: Я́ко у Го́спода ми́лость, и мно́гое у Него́ избавле́ние, / и Той изба́вит Изра́иля от всех беззако́ний его́.

Слове́с твои́х уче́нием Се́рбская Це́рковь украси́ся/ и, ны́не ра́дующися Правосла́вием,/ с Боже́ственными твои́ми ча́ды/ свяще́нную твою́ па́мять све́тло почита́ет,/ Са́вво о́тче свяще́нне,/ святи́телем равноче́стне,/ и А́нгелом спредстоя́телю,/ и моли́твенниче о душа́х на́ших.

Глас 6.
Подобен: «Все отло́жше…»

Стих: Хвали́те Го́спода вси язы́цы, / похвали́те Его́ вси лю́дие.

Ве́сь освяще́н, Богоно́сец показа́лся еси́,/ ма́стию Боже́ственною свято́ю/ Святы́м Ду́хом обложе́н,/ и све́тло всегда́ лику́я, преподо́бне,/ во Свята́я Святы́х входя́,/ и лю́ди твоя́, я́ко священнотаи́нник,/ спаси́тельным та́йнам научи́л еси́/ я́ко вои́стинну иера́рх избра́нен,/ Са́вво о́тче Богоно́се,/ со дерзнове́нием моля́ся о душа́х на́ших.

Стих: Я́ко утверди́ся ми́лость Его́ на нас, / и и́стина Госпо́дня пребыва́ет во век.

От ю́ности облиста́ твое́ житие́ доброде́телей луче́ю,/ святи́телю всеблаже́нне,/ и лю́ди твоя́ просвети́л еси́,/ пре́лести мрак разори́в вои́стинну./ И ны́не всели́лся еси́, иде́же Свет Невече́рний,/ иде́же А́нгел ликостоя́ния./ С ни́миже предстоя́, преподо́бне,/ помина́й нас, твою́ па́мять, Са́вво о́тче, соверша́ющих,/ со дерзнове́нием моля́ся о душа́х на́ших.

Ум твой манове́нии, су́щими в Боже́ственных,/ Богому́дре, ве́рою удобре́н/ и све́тло обложе́н, пресла́вне,/ в ме́ртвеннем телеси́ и тле́нне нетле́нию поучи́вся,/ и, страсте́й вне́ быв, притяжа́л еси́ безпло́тных све́тлость,/ святи́телю Са́вво Богоприя́тне,/ све́тлый оте́чества твоего́ свети́льниче/ и моли́твенниче дерзнове́нне о душа́х на́ших.

Слáва Отцу́, и Сы́ну, и Святóму Ду́ху.

Глас 2.

Сла́вы у всех Царя́ Христа́ взыска́в,/ влады́чествующа отца́ оста́вив,/ горы́ Афо́на доше́л еси́,/ иде́же высоту́ благоро́дия в раба́ смире́ние измени́в,/ труды́ мно́гими те́ло удручи́л еси́,/ моли́твами же ду́шу просвети́л еси́,/ до́бре мона́шески пребы́в,/ а́нгельски в пусты́ни пожи́л еси́,/ апо́стольски в ми́ре научи́л еси́,/ боле́зньми поще́ния и стра́нствия хожде́нием/ му́ченическия по́двиги соверши́л еси́./ Кто изглаго́лет твоя́ доброде́тели,/ и́миже Небе́сная на земли́ притяжа́л еси́,/ Са́вво блаже́нне о́тче,/ па́стырю и учи́телю?/ Но я́ко ны́не предстоя́ Христу́ Богу,/ моли́ спасти́ся душа́м на́шим.

И ны́не, и при́сно, и во вéки векóв. Ами́нь.

Глас 5.

Зря́щи Тя́ естество́ вся́кое земноро́дных, на́га в вода́х,/ Соде́теля Креще́ния прося́ща,/ изменя́шеся стра́хом и ужаса́шеся./ Предте́ча же тре́петом содержи́мь бя́ше,/ не сме́я прибли́житися Тебе́./ Мо́ре побеже́, Иорда́н струи́ возврати́./ Го́ры взыгра́шася зря́ще,/ и а́нгельския си́лы удивля́хуся, глаго́люще:/ о чудесе́!/ Спас обнажа́ется,// оде́яти хотя́ во спасе́ние челове́ки и обновле́ние.

Паремии

При́тчей чте́ние.

Па́мять пра́веднаго с похвала́ми,/ и благослове́ние Госпо́дне на главе́ его́./ Блаже́н челове́к, и́же обре́те прему́дрость,/ и сме́ртен, и́же уве́де ра́зум./ Лу́чше бо сию́ купова́ти,/ не́жели зла́та и сребра́ сокро́вища./ Честне́йшая же есть ка́мений многоце́нны,/ все же честно́е недосто́йно ея́ есть./ Долгота́ бо дней и ле́та живота́ в десни́це ея́./ В шу́йце же ея́ бога́тство и сла́ва./ От уст ея́ исхо́дит пра́вда,/ зако́н же и ми́лость на язы́це но́сит./ Послу́шайте у́бо мене́, о ча́да, честна́я бо реку́,/ и блаже́н челове́к,/ и́же пути́ моя́ сохрани́т:/ исхо́ди бо мои́ – исхо́ди живота́, и уготовля́ется хоте́ние от Го́спода./ Сего́ ра́ди молю́ ва́с, и предлага́ю мой глас сыново́м челове́ческим:/ я́ко а́з прему́дрость, устро́их сове́т/ и ра́зум и смы́сл а́з призва́х./ Мой сове́т и утверже́ние,/ мой ра́зум, моя́ же кре́пость./ А́з мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки, честна́я бо реку́,/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзски же пре́до мно́ю устны́ лжи́выя./ С пра́вдою вси́ глаго́лы уст мои́х:/ ничто́же в них стро́потно, ниже́ развраще́нно./ Вся пра́ва су́ть разумева́ющим/ и про́ста обрета́ющим ра́зум./ Науча́ю бо ва́с и́стине,/ да бу́дет о Го́споде наде́жда ва́ша,/ и испо́лнитеся Ду́ха.

Прему́дрости Соломо́новы чте́ние.

Пра́ведник, а́ще пости́гнет сконча́тися, в поко́и бу́дет./ Осу́дит же пра́ведник, умира́яй живу́щия нечести́выя./ У́зрят бо кончи́ну пра́веднаго, и не разуме́ют, что совеща́ша о не́м,/ я́ко пове́ржет Госпо́дь нечести́выя, безгла́сны ни́ц/ и поколе́блет их от основа́ний,/ и до после́дняго исче́знут в боле́зни,/ и па́мять их поги́бнет./ Прии́дут бо в помышле́ние согреше́ний своих ужа́сни,/ и обличи́т их сопроти́в беззако́ния их./ Тогда́ станет в дерзнове́нии мно́зе пра́ведник пред лице́м оскорби́вших его́/ и отмета́ющих труды́ его́./ Ви́девше же его́ смяту́тся стра́хом мно́гим/ и ужа́снутся о пресла́вном спасе́нии его́./ Реку́т бо в себе ка́ющеся,/ и в тесноте́ ду́ха воздо́хнут, и реку́т:/ сей бе, его́же име́хом не́когда в посме́х, и в при́тчу поноше́ния, безу́мнии./ Житие́ его́ вмени́хом неи́стово/ и кончи́ну его́ безче́стну./ Ка́ко вмени́ся в сыне́х Бо́жиих,/ и во святых жре́бий его́ есть?/ У́бо заблуди́хом от пути́ и́стиннаго,/ и пра́вды свет не облиста́ нам,/ и со́лнце не возсия́ нам./ Беззако́нных испо́лнихомся сте́зь и поги́бели/ и ходи́хом стези́ непрохо́дны,/ пути́ же Госпо́дня не разуме́хом.

Прему́дрости Соломо́новы чте́ние.

Уста пра́веднаго ка́плют прему́дрость,/ устне́ же муже́й му́дрых ве́дят благода́ть./ Уста му́дрых поуча́тся прему́дрости,/ пра́вда же избавля́ет их от сме́рти./ Сконча́вшуся му́жу пра́ведну, не поги́бнет наде́жда./ Сын бо пра́веден ражда́ется в живо́т/ и во бла́гих своих пло́д пра́вды обы́мет./ Свет пра́ведным всегда́,/ и от Го́спода обря́щут благода́ть и сла́ву./ Язы́к му́дрых до́брая свесть,/ и в се́рдце их почи́ет му́дрость./ Лю́бит Госпо́дь преподо́бная сердца́,/ прия́тни же Ему́ вси́ непоро́чнии в пути́./ Му́дрость Госпо́дня просвеща́ет лице́ разу́мнаго./ Постига́ет бо жела́ющия ю,/ пре́жде да́же разуме́ти ю,/ и удо́бь у́зрится от лю́бящих ю./ У́треневавый к ней не утруди́тся,/ и бдя́й ея́ ра́ди вско́ре без печа́ли бу́дет./ Я́ко досто́йных ея́ сама́ обхо́дит и́щущи,/ и во стезя́х ея́ явля́ется им благоприе́мне./ Му́дрости никогда́же одоле́ет зло́ба./ Сих ра́ди и рачи́тель бы́х добро́ты ея́,/ и возлюбих ю́, и поиска́х от ю́ности моея́./ И взыска́х неве́сту привести́ себе,/ я́ко всех Влады́ка возлюби́ ю./ Таи́бница бо есть Бо́жия хи́трости,/ и обрета́тельница де́л Его́./ Труды́ ея́ су́ть доброде́тели,/ целому́дрию же и ра́зуму та учи́т,/ пра́вде и му́жеству,/ и́хже потре́бнее ничто́же есть в житии́ челове́ком./ А́ще же и многоиску́ства жела́ет кто,/ весть дре́вняя, и бы́ти хотя́щая разсмо́трит./ Свесть изви́тия слове́с, и разреше́ния гада́ний,/ зна́мения и чудеса́ проразуме́ет/ и сбытия́ време́н и лет,/ и всем сове́тник есть бла́г,/ я́ко безсме́ртие есть в ней,/ и благосла́вие во обще́нии слове́с ея́./ Сего́ ра́ди бесе́довах ко Го́споду, и помоли́хся Ему́,/ и ре́х от всего́ се́рдца моего́:/ Бо́же отце́в и Го́споди ми́лости,/ сотвори́вый вся сло́вом Твои́м,/ и му́дростию Твое́ю устро́ивый челове́ка,/ да владе́ет бы́вшими от Тебе́ тварьми́/ и да управля́ет мир в преподо́бии и пра́вде./ Да́ждь ми Твои́х престо́лов приседя́щую прему́дрость,/ и не отлучи́ мене́ от о́трок Твоих,/ я́ко а́з ра́б Тво́й и сын рабы́ни Твоея́./ Посли́ ю с Небе́с, от свята́го жили́ща Твоего́/ и от Престо́ла сла́вы Твоея́,/ да, су́щи со мно́ю, научи́т мя,/ что благоуго́дно есть пред Тобо́ю./ И наста́вит мя в ра́зум,/ и сохрани́т мя в сла́ве свое́й./ Помышле́ния бо сме́ртных вся боязли́ва,/ и погреши́тельна умышле́ния их.

Стихиры на литии

Глас 2.

Ум преподо́бен, я́ко при́сно к Бо́гу внима́ющ,/ свобо́ден же и самоизво́лен, я́ко страстьми́ непорабоще́н,/ ду́шу чи́сту поще́нием,/ се́рдце ми́лостивно и слеза́ми умиле́нно,/ те́ло же моли́твами к Бо́гу служе́бно,/ Са́вво блаже́нне, стяжа́л еси́/ и сло́во му́дростно смире́нием украси́л еси́,/ ве́сь от ю́ности благонра́вием Христу́, о́тче, усво́ився,/ от Него́же первосвяти́тель, я́ко апо́стол,/ лю́дем твои́м дарова́лся еси́ досто́йно,/ я́же Ева́нгелием породи́л еси́/ и Правосла́вием обогати́л еси́./ И ны́не предстоя́ Христу́ Бо́гу,/ от вся́ких бед сия́ изба́вити/ и спасти́ ду́ши на́ша моли́ся.

Глас 4.

Ева́нгельских исто́чник/ словесы́ твои́ми, святи́телю, люде́й твои́х сердца́ напои́л еси́,/ и се́мя благоче́стия в них моли́твами твои́ми возрасти́л еси́,/ и сия́ прине́сл еси́ Христу́ плод изря́ден./ Ны́не я́ко предстоя́ у Него́ с ли́ки апо́стол и святи́тель,/ помина́й к Нему́ моли́твами твои́ми/ сохрани́ти ны́ от вся́каго озлобле́ния,/ я́ко в мире соверша́ти па́мять твою́.

Се́рбская вели́кая Це́рковь,/ со свяще́нными и все́ми ве́рными пра́зднующи/ в па́мять благу́ю па́стыря и учи́теля,/ и веселя́щися зове́т:/ ду́ши пра́ведных в руце́ Бо́жии,/ нам же дарова́ святы́я их мо́щи./ Прииди́те, ве́рнии, духо́вно возвесели́мся,/ успе́ние и моще́й пренесе́ние,/ о́ба пра́зднства святы́х почита́юще,/ и сих, я́ко цве́ты, хвала́ми увязе́м, реку́ще:/ ра́дуйся, ми́лостыни пода́телю, Симео́не блаже́нне,/ челове́че Небе́сный;/ ра́дуйся, чистоты́ оби́телище, Са́вво свяще́нне,/ земны́й А́нгеле:/ ра́дуйся, дво́ице свята́я,/ апо́стольски лю́ди своя́ научи́вшая/ и предте́кшая им пути́ живо́тнаго./ Но я́ко Тро́ице со А́нгелы предстоя́ще,/ мир земли́ на́шей испроси́те/ и душа́м на́шим ве́лию ми́лость.

Слáва Отцу́, и Сы́ну, и Святóму Ду́ху.

Глас 5.

Апо́столов сро́дныя чистоты́ жела́нием/ плотски́я любве́ измла́да избежа́в,/ те́ло же неудобопокори́вое брозда́ми воздержа́ния обузда́в,/ благопокори́во души́ повину́л еси́,/ по́мысла си́лою го́ршее лу́чшему покори́в,/ Боже́ственнаго Ду́ха сосу́д бы́ти удосто́ився,/ пе́рвый седа́лище Се́рбское украси́л еси́/ и лю́ди твоя́ Богому́дрию научи́л еси́./ И ны́не у Христа́ предстоя́ дерзнове́нно,/ Са́вво блаже́нне, святи́телю Богому́дре,/ приле́жно к Нему́ моли́ся/ спасти́ ду́ши пою́щих святу́ю па́мять твою́.

И ны́не, и при́сно, и во вéки векóв. Ами́нь.

Глас 6.

О па́че ума́ Боже́ственнаго смотре́ния!/ Ка́ко Творе́ц тва́ри предста́, и преклоня́ет сему́ главу́?/ Указа́нием бо нам о́браз смире́ния вво́дит,/ и́же о Не́м просвеще́нным,/ Ему́же пое́м:// благослове́н, явле́йся Бо́же наш, сла́ва Тебе́.

Стихиры на стиховне

Глас 2.

Ки́ими, я́ко венцы́, похвала́ми/ украси́м Са́вву всеблаже́ннаго?/ И́же от восто́ка мы́сленнаго Христа́, со́лнце разу́мное возсия́,/ и лю́ди своя на за́паде Богоразу́мием, научи́в, просвети́,/ и я́ко ве́рный ра́б Влады́це своему́ в благоче́стии сих умно́жи./ Сего́ у́бо Еди́ный досто́йне/ безсме́ртныя сла́вы у́тварию украси́,/ Христо́с Человеколю́бец, име́яй ве́лию ми́лость.

Стих: Честна́ пред Го́сподем/ смерть преподо́бных Его́.

Ки́ими духо́вными пе́сньми похва́лим Са́вву свяще́ннаго?/ И́мже Но́ваго Заве́та Бо́жия, скрижа́ли Ева́нгелия уразуме́хом,/ и́мже Правосла́вия ве́ру и́стинно позна́хом/ в Тро́ице служи́ти Еди́ному Бо́гу/ и, Бо́жиих та́ин дале́че су́ще и учуждены́,/ близ и самосоверши́теле бы́хом,/ зако́ном и обы́чаем христоимени́тии лю́дие бы́хом,/ царя́ венча́ем, и святи́теля соверша́ем,/ и, все́ми благи́ми нра́вы украша́еми,/ Христа́ прославля́ем, иму́щаго ве́лию ми́лость.

Стих: Блаже́н му́ж, боя́йся Го́спода,/ в за́поведех Его́ восхо́щет зело́.

Ки́ими пе́сненными добро́тами/ ублажи́м тя, Са́вво, о́тче досточу́дне,/ жития́ бо све́тлостию в Бо́жий ра́зум приводя́ща вся?/ И чудесы́ ди́вными удивля́еши:/ я́коже бо Илия́ огнь дре́вле, гра́д с Небе́с моли́твою све́л еси́,/ бра́та же уме́рша оживи́л еси́,/ разсла́бленнаго воздви́гл еси́,/ мо́ре, ры́бою дароноси́во, тебе́ повину́л еси́/ и слука́го36 го́рбом испра́вил еси́,/ мно́га чудеса́ о Бо́зе сотвори́л еси́./ Тем твою́ па́мять любо́вию пра́зднуем,/ Христа́ велича́юще, иму́щаго ве́лию ми́лость.

Слáва Отцу́, и Сы́ну, и Святóму Ду́ху.

Глас 4.

Боже́ственнаго Ду́ха благода́тию, собра́ннии, веселя́щеся,/ Симео́на, ло́зу благоче́стия, ублажи́м,/ от нея́же грозд чистоты́, Са́вва всесвяще́нный, израсте́./ Обои́х же пе́сньми похва́лим, мы́сленныя Це́ркве свети́льники,/ Тро́йческия побо́рники, ересе́й низложи́тели,/ иере́ев ле́поту, мона́хов собра́ние,/ ни́щих же утеше́ние,/ вся́кою доброде́телию бо́гатыя,/ и́же у Христа́ ны́не предстоя́ще,/ апо́стольскими я́ко досто́йно/ и по́стническими венцы́ украша́еми./ К ни́мже моле́бно возопие́м:/ проси́те ми́ру ми́ра/ и душа́м на́шим ве́лия ми́лости.

И ны́не, и при́сно, и во вéки векóв. Ами́нь.

Глас 6.

Воспои́м, ве́рнии, е́же о нас Бо́жия благодея́ния вели́чество:/ о на́шем бо прегреше́нии быв Челове́к,/ на́шим очище́нием очища́ется во Иорда́не,/ Еди́н чи́стый и нетле́нный,/ освяща́яй мене́ и во́ды,/ и главы́ змие́в сокруша́яй в воде́./ Почерпе́м у́бо во́ду с весе́лием, бра́тие:/ благода́ть бо Ду́ха,/ ве́рно почерпа́ющим, неви́димо подава́ется// от Христа́ Бо́га, и Спа́са душ на́ших.

Тропарь

Глас 3.

Пути́, вводя́щаго в жизнь,/ наста́вник, и первопресто́льник, и учи́тель был еси́:/ пе́рвее бо прише́д, святи́телю Са́вво,/ оте́чество твое́ просвети́л еси́/ и, породи́в то́е Ду́хом Святы́м,/ я́ко древа́ ма́слинная,/ в мы́сленнем раи́ насади́л еси́ всеосвяще́нная твоя́ ча́да./ Тем, я́ко апо́столом и святи́телем сопресто́льна/ чту́ще тя, мо́лим:/ моли́ Христа́ Бо́га/ дарова́ти нам ве́лию ми́лость. [Дважды]

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 1.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя́ Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.

Тропари на «Бог Господь…»

Глас 1.

Бог Госпо́дь и яви́ся нам,/ благослове́н Гряды́й во и́мя Госпо́дне.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя́ Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́. [Дважды]

Сла́ва Отцу́, и Сы́ну, и Свято́му Ду́ху.

Глас 3.

Пути́, вводя́щаго в жизнь,/ наста́вник, и первопресто́льник, и учи́тель был еси́:/ пе́рвее бо прише́д, святи́телю Са́вво,/ оте́чество твое́ просвети́л еси́/ и, породи́в то́е Ду́хом Святы́м,/ я́ко древа́ ма́слинная,/ в мы́сленнем раи́ насади́л еси́ всеосвяще́нная твоя́ ча́да./ Тем, я́ко апо́столом и святи́телем сопресто́льна/ чту́ще тя, мо́лим:/ моли́ Христа́ Бо́га/ дарова́ти нам ве́лию ми́лость.

И ны́не и при́сно, и во ве́ки веко́в. Ами́нь.

Глас 1.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя́ Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.

Седален по 1-му стихословию

Глас 8.
Подобен: «Прему́дрости…»

Лесть ми́ра, бога́тства и све́тлости,/ вся, ели́ка ви́димых добро́т малоле́пия,/ и высо́кую любо́вь роди́теля преоби́дев,/ смире́нием же к нищете́ уча́щему, Влады́це Христу́ после́довал еси́./ От Него́же поще́нием и моли́твами, и́стинное бога́тство и су́щую све́тлость,/ Ца́рство недви́жимо и во ве́ки благобы́тие, Са́вво о́тче, насле́довал еси́./ К Нему́же ны́не моли́ся, грехо́в оставле́ние пода́ти/ чту́щим любо́вию святу́ю твою́ па́мять.

Слáва Отцу́ и Сы́ну и Святóму Ду́ху, и ны́не, и при́сно, и во вéки векóв. Ами́нь.

Глас 4.
Подобен: «Удиви́ся Ио́сиф…»

Иорда́не реко́,/ что удиви́лся еси́, зря Неви́димаго на́га?/ Ви́дех и вострепета́х, — рече́, —/ и ка́ко бо Сего́ не хоте́х устраши́тися и зайти́?/ А́нгели Его́ устраши́шася, зря́ще,/ ужасе́ся Не́бо, и земля́ вострепета́,/ и смяте́ся мо́ре, и вся ви́димая и неви́димая.// Христо́с яви́ся на Иорда́не освяти́ти во́ды.

Седален по 2-му стихословию

Глас 3.
Подобен: «Боже́ственныя ве́ры…»

Доброде́телей де́ланием, Це́ркви вели́кое возсия́л еси́ со́лнце,/ и сия́нием слове́с твои́х, просвети́л еси́ ве́рных люде́й твои́х собо́ры,/ и потреби́л еси́ страсте́й очерне́ние,/ святи́телю Са́вво, Христа Бо́га моли́/ дарова́ти нам ве́лию ми́лость.

Глас тойже.
Подобен: «Красоте́ де́вства…»

Столп и утвержде́ние Це́ркве Христо́вы, о́тче, быв,/ сию́ непоколеби́му от искуше́ний лука́ваго, прему́дре, соблю́л еси́:/ вся бо е́реси злоде́йства разори́л еси́/ и лю́ди твоя́ научи́л еси́/ Тро́ице Единосу́щней во Еди́ном Божестве́ служи́ти./ Те́мже, соше́дшеся, почита́ем тя, Са́вво Богому́дре.

Слáва Отцу́ и Сы́ну и Святóму Ду́ху, и ны́не, и при́сно, и во вéки векóв. Ами́нь.

Глас 8.
Подобен: «Свире́лей па́стырских…»

Креща́ется Христо́с, просвеща́яй мир,/ с высоты́ Оте́ц свиде́тельствова, глаго́ля:/ Сей есть Сын Мой, в Не́мже благоизво́лих,/ Того́ послу́шайте./ Сей есть просвеща́яй вселе́нную благоутро́бием Свои́м,// крести́выйся и спасы́й я́ко Бог род челове́ческий.

Величания и избранный псалом

Велича́ем тя,/ святи́телю о́тче Са́вво,/ и чтим святу́ю па́мять твою́:/ ты бо мо́лиши за нас// Христа́ Бо́га на́шего.

Избранный псалом.

1. Услы́шите сия́ вси язы́цы, внуши́те, вси, живу́щии по вселе́нней.
2. Уста́ моя́ возглаго́лют прему́дрость, и поуче́ние се́рдца моего́ ра́зум.
3. Прииди́те, ча́да, послу́шайте мене́, стра́ху Госпо́дню научу́ вас.
4. Благовести́х пра́вду в Це́ркви вели́цей.
5. И́стину Твою́ и спасе́ние Твое́ рех.
6. Пове́м И́мя Твое́ бра́тии мое́й, посреде́ Це́ркве воспою́ Тя́.
7. Услы́шати ми глас хвалы́ Твоея́ и пове́дати вся чудеса́ Твоя́.
8. Го́споди, возлюби́х благоле́пие до́му Твоего́, и ме́сто селе́ния сла́вы Твоея́.
9. Возненави́дех це́рковь лука́внующих, и с нечести́выми не ся́ду.
10. Я́ко сохрани́х пути́ Госпо́дни и не нече́ствовах от Бо́га моего́.
11. Уста́ пра́веднаго поуча́тся прему́дрости, и язы́к его́ возглаго́лет суд.
12. Пра́вда Его́ пребыва́ет в век ве́ка.
13. Свяще́нницы Твои́ облеку́тся пра́вдою, и преподо́бнии Твои́ возра́дуются.
14. Блаже́ни живу́щии в дому́ Твое́м, в ве́ки веко́в восхва́лят Тя́.

Седален по полиелеи

Глас 8.
Подобен: «Прему́дрости…»

Воздержа́нием житие́ украси́в и житие́м му́дрости сло́во уверя́я,/ изря́ден к доброде́тели наказа́нием яви́лся еси́,/ от зако́на и проро́ков апо́стольски науча́я о Христе́ Иису́се,/ лю́ди твоя́ Ева́нгелием породи́л еси́/ и сия́ Правосла́вия ве́рою возрасти́л еси́./ Те́мже и по конце́ неконча́ему благода́ть прия́л еси́/ и, во гро́бе лежа́, неразруши́м пребыва́еши,/ Са́вво о́тче, святи́телю Богоблаже́нне./ Моли́ Христа́ Бо́га, согреше́ний проще́ние пода́ти/ чту́щим любо́вию святу́ю твою́ па́мять.

Слáва Отцу́ и Сы́ну и Святóму Ду́ху, и ны́не, и при́сно, и во вéки векóв. Ами́нь.

Глас 4.
Подобен: «Удиви́ся Ио́сиф…»

Иорда́не реко́,/ что удиви́лся еси́, зря Неви́димаго на́га?/ Ви́дех и вострепета́х, — рече́, —/ и ка́ко бо Сего́ не хоте́х устраши́тися и зайти́?/ А́нгели Его́ устраши́шася, зря́ще,/ ужасе́ся Не́бо, и земля́ вострепета́,/ и смяте́ся мо́ре, и вся ви́димая и неви́димая.// Христо́с яви́ся на Иорда́не освяти́ти во́ды.

Степенна
1-й антифон 4-го гласа

От ю́ности моея́ / мно́зи бо́рют мя́ стра́сти, / но Сам мя́ заступи́, / и спаси́, Спа́се мой. Дважды.

Ненави́дящии Сио́на, / посрами́теся от Го́спода, / я́ко трава́ бо огне́м / бу́дете изсо́хше. Дважды.

Сла́ва Отцу́, и Сы́ну, и Свято́му Ду́ху.

Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.

И ны́не и при́сно, и во ве́ки веко́в. Ами́нь.

Святы́м Ду́хом / вся́ка душа́ живи́тся, / и чистото́ю возвыша́ется, / светле́ется Тро́ическим Еди́нством священнота́йне.

Прокимен

Прокимен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Стих: Та́мо возращу́ рог Дави́дови, угото́вах свети́льник пома́занному Моему́.

Евангелие
от Матфея, зачало 11

От Матфе́я свята́го Ева́нгелиа чте́ние.

Рече́ Госпо́дь Свои́м ученико́м: Вы есте́ свет ми́ра, не мо́жет град укры́тися верху́ горы́ стоя́. Ниже́ вжига́ют свети́льника и поставля́ют его́ под спу́дом, но на све́щнице, и све́тит всем, и́же в хра́мине суть. Та́ко да просвети́тся свет ваш пред челове́ки, я́ко да ви́дят ва́ша до́брая дела́ и просла́вят Отца́ ва́шего, И́же на небесе́х. [Да] не мни́те, я́ко приидо́х разори́ти зако́н, или́ проро́ки: не приидо́х разори́ти, но испо́лнити. Ами́нь бо глаго́лю вам: до́ндеже пре́йдет не́бо и земля́, ио́та еди́на, или́ еди́на черта́ не пре́йдет от зако́на, до́ндеже вся бу́дут. И́же а́ще разори́т еди́ну за́поведий сих ма́лых и нау́чит та́ко челове́ки, мний нарече́тся в Ца́рствии Небе́снем, а и́же сотвори́т и нау́чит, сей ве́лий нарече́тся в Ца́рствии Небе́снем.^Мф.5.14-19

Стихира по 50-м псалме

Глас 6.

Слáва Отцу́ и Сы́ну и Святóму Ду́ху.

Моли́твами святи́теля Са́ввы,/ Ми́лостиве, очи́сти// мно́жества согреше́ний на́ших.

И ны́не, и при́сно, и во вéки векóв. Ами́нь.

Моли́твами Богоро́дицы,/ Ми́лостиве, очи́сти// мно́жества согреше́ний на́ших.

Поми́луй мя, Бо́же, / по вели́цей ми́лости Твое́й / и по мно́жеству щедро́т Твои́х / очи́сти беззако́ние мое́.

Ду́ха Свята́го благода́ть/ в твои́х устна́х излия́ся, о́тче,/ и был еси́ па́стырь Христо́вы Це́ркве,/ уча́ слове́сныя о́вцы, лю́ди твоя́,/ ве́ровати в Тро́ицу, во Еди́но Божество́.

Канон

Читается первый канон Богоявления и два канона святителя Саввы. Рекомендуемый запев к тропарям канона Богоявления: «Сла́ва Тебе́, Бо́же наш, сла́ва Тебе́», к тропарям канона святителя Саввы: «Святи́телю о́тче Са́вво, моли́ Бо́га о нас».

Песнь 1

Канон Богоявления.

Глас 2.

Ирмос: Глубины́ откры́л есть дно/ и су́шею Своя́ влече́т,/ в ней покры́в проти́вныя,/ кре́пкий во бране́х Госпо́дь,// я́ко просла́вися.

Ада́ма истле́вшаго обновля́ет струя́ми Иорда́нскими/ и змие́в главы́ гнездя́щихся сокруша́ет Царь веко́в, Госпо́дь,// я́ко просла́вися.

Огне́м Божества́ Невеще́ственным/ в плоть веще́ственну оде́явся, Иорда́нскою облага́ется водо́ю// воплоще́йся от Де́вы Госпо́дь, я́ко просла́вися.

Скве́рну омыва́яй челове́ков, сим очи́щся во Иорда́не,/ и́мже, восхоте́в, уподо́бися, е́же бе пребы́в,// су́щия во тьме просвеща́яй Госпо́дь, я́ко просла́вися.

Первый канон святителя Саввы.

Глас 1.

Ирмос: Твоя́ победи́тельная десни́ца/ боголе́пно в кре́пости просла́вися:/ та́ бо, Безсме́ртне,/ я́ко всемогу́щая, проти́вный сотре́,/ изра́ильтяном путь глубины́ новосоде́лавшая.

Па́стыря Христо́вых ове́ц и наста́вника спасе́ния ве́рных уче́ний,/ чудесы́ возсия́вшаго нам, Све́та Боже́ственнаго благода́ти,/ святи́теля Са́вву досто́йно почти́м.

Я́ко фи́никс, в дому́ Госпо́дни дави́дски процве́л еси́ доброде́тельми,/ те́лом и ду́хом весь яви́ся сла́дость,/ Боже́ственной благода́тию пи́щу безсме́ртия, Са́вво, подая́ оте́честву своему́.

Преше́д плотски́й о́блак и доброде́телей на го́ру возше́д,/ самови́дец Боже́ственнаго ра́зума быв,/ яко Моисе́й, на скрижа́лех се́рдца своего́ прие́м зако́н благода́тный, святи́телю Са́вво.

Богородичен: Чистоты́ сокро́вище, ра́дуйся,/ Е́юже от паде́ния на́шего воста́хом./ Ра́дуйся, сладкоуха́нный кри́не, Влады́чице, ве́рных благоуха́яй,/ кади́ло благово́нное и ми́ро многоце́нное.

Второй канон святителя Саввы.

Глас 6.

Ирмос: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь поим, вопия́ше.

На Престо́ле Небе́сном седя́щаго Бо́га вожделе́л еси́ всем се́рдцем, блаже́нне,/ разуме́ убо блага́я, мирски́х дел убо избеже́,/ па́че ума́ бо яви́ся кро́ток во смире́нии.

Да Своея́ сла́вы вся́ческая исполня́я, Бог и тебе́ возлюби́,/ от пеле́н твои́х, блаже́нне, избра́в тя,/ чистото́ю бо украси́в тя/ и доброде́телию просвети́в,/ и во гро́бе тле́ннем, я́ко Нетле́ннаго, сохрани́.

Богородичен: Души́ мое́й смерть притека́ет,/ искуше́ния же ненави́дящих, я́ко а́спиды, обыдо́ша погуби́ти мя,/ но Сама́ мя, Богоро́дице, спаси́.

Песнь 3

Канон Богоявления.

Ирмос: Кре́пость дая́й царе́м на́шим Госпо́дь/ и рог пома́занных Свои́х вознося́й/ от Де́вы ражда́ется, гряде́т же ко Креще́нию./ Тому́, ве́рнии, возопие́м:// несть свят, я́ко Бог наш.

Непло́дная дре́вле и безча́дная лю́те, днесь весели́ся, Христо́ва Це́рковь:/ водо́ю бо и Ду́хом сы́нове тебе́ роди́шася, ве́рою взыва́юще:// несть свят, я́коже Бог наш.

Ве́лиим гла́сом в пусты́ни вопие́т Предте́ча:/ Христу́ угото́вайте пути́/ и стези́ Бо́гу на́шему пра́вы соде́лайте, ве́рою взыва́юще:// несть свят, я́коже Бог наш.

Первый канон святителя Саввы.

Ирмос: Еди́не, ве́дый челове́ческаго существа́ не́мощь/ и ми́лостивно в не вообра́жся,/ препоя́ши мя с высоты́ си́лою,/ е́же вопи́ти Тебе́, Святы́й,/ одушевле́нный хра́ме неизрече́нныя сла́вы Твоея́, Человеколю́бче.

Доброде́телем прия́телище быв/ и церко́вный сосу́д о́цта Бо́гу, святи́телю Са́вво,/ на тебе́ почи́ Дух Пресвяты́й.

Ми́ром Боже́ственным пома́зан Вседе́теля Ду́ха,/ тем и Се́рбский престо́л, о́тче, украси́л еси,/ облагоуха́л еси́ ве́рных ра́зумы доброде́тельми и чудесы́, о́тче Са́вво.

Венча́ется словесы́ твои́ми,/ я́ко ка́мением драгоце́нным, блаже́нне, блаже́нная твоя́ Це́рковь/ и ве́чнует ве́рным, ца́рствующи.

Богородичен: Ра́дуйся, Две́ре еди́на,/ Е́юже Сло́во про́йде еди́но,/ вереи́ и врата́ а́дова, Влады́чице, рождество́м Твои́м сокруши́вшая./ Ра́дуйся, Боже́ственный вхо́де спаса́емых, Богоневе́сто.

Второй канон святителя Саввы.

Ирмос: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Просте́рл еси́ ру́це ко Вы́шнему в моли́твах бо́дренных/ и собра́л еси́ ча́да твоя́ вку́пе соедине́нием Ду́ха,/ разуме́ти Ду́ха, крести́вшаго тя, и Бо́га славосло́вити и пе́ти:/ несть свят, ра́зве Тебе́, Го́споди.

Вели́к о́браз благоче́стия на спасе́ние показа́л еси,/ смире́нною бо му́дростию, и ми́лостынями, и уче́нием всех воздвига́я пе́ти:/ несть свят, ра́зве Тебе́, Го́споди.

Богородичен: Я́же ми́рови спасе́ние подаю́щи/ Боже́ственным рождество́м Твои́м,/ от бед мя премени́.

Кондак и икос Богоявления

Глас 4.

Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.

Икос.

Галиле́и язы́честей, Завуло́нстей стране́ и Неффали́мстей земли́,/ я́коже рече́ проро́к, Свет вели́к возсия́, Христо́с./ Омраче́нным све́тла яви́ся Заря́, из Вифлее́ма облиста́ющая,/ па́че же из Мари́и Госпо́дь, всей вселе́нней возсиява́ет лучи́ Со́лнце пра́вды./ Те́мже, и́же от Ада́ма нази́и, прииди́те вси, облече́мся в Него́, да согре́емся,/ покрыва́ет бо наги́я и просвеща́ет те́мныя.// Прише́л еси́ и яви́лся еси́, Свет Непристу́пный.

Седален святителя Саввы

Глас 8.
Подобен: «Прему́дрости…»

Па́влово насажде́ние, и Аполло́сово прие́мый напое́ние,/ и ва́шея ве́ры насажде́ние, и уче́нием напое́ние,/ вся возраща́яй Бог прия́л есть./ Люде́й ва́ших благоче́стия ве́рою, моли́твами ва́шими возрасти́в умно́жи,/ и от Того́ я́ко ве́рнии раби́ и де́латели разу́мнии,/ трудо́в возме́здия досто́йно прия́ли есте́,/ Симео́не преподо́бне, Са́вво свяще́нне, богоно́снии отцы́,/ па́стырие и учи́телие,/ Первопа́стыря и Учи́теля Христа́ моли́те,// ста́до ва́ше в ми́ре сохрани́ти, и спасти́ ду́шы на́ша. [Дважды]

Слáва Отцу́ и Сы́ну и Святóму Ду́ху, и ны́не, и при́сно, и во вéки векóв. Ами́нь.

Глас 4.
Подобен: «Ско́ро предвари́…»

Све́том я́ко ри́зою одея́йся,/ струя́ми одева́ется Иорда́нскими Христо́с Бог наш,/ свы́ше свиде́тельствующу Отцу́ сопресто́льнаго,/ до́ле прише́дшу Ду́ху сла́вы:// То́й есть Просвеща́яй и Освяща́яй нас.

Песнь 4

Канон Богоявления.

Ирмос: Услы́шах, Го́споди, глас Твой, его́же рекл еси́,/ глас вопию́щаго в пусты́ни,/ я́ко возгреме́л еси́ над вода́ми мно́гими,/ Твоему́ свиде́тельствуяй Сы́ну,/ весь быв соше́дшаго Ду́ха, возопи́:// Ты еси́ Христо́с, Бо́жия му́дрость и си́ла.

Очища́емо со́лнце кто ви́де, –/ пропове́дник вопие́т, – пресве́тлое естество́м?/ Да Тебе́ вода́ми, сия́ние Сла́вы, Отца́ о́браз Присносу́щнаго, омы́ю/ и, се́но сый, Огню́ прикосну́ся Твоего́ Божества́?// Ты бо еси́ Христо́с, Бо́жия му́дрость и си́ла.

Яви́ Боже́ственное, е́же име́, благогове́ние Моисе́й, прилучи́вся Тебе́,/ я́ко бо из купины́ Тя, возгласи́вша, разуме́, а́бие отврати́ лице́./ Аз же ка́ко Тя уви́жу я́сно?/ Или́ ка́ко руку́ положу́ на Тя?// Ты бо еси́ Христо́с, Бо́жия му́дрость и си́ла.

Душе́вное соверша́я му́дре и сло́вом почте́нный, безду́шных стыжду́ся./ А́ще бо крещу́ Тя, клеве́тна ми есть огне́м дымя́щаяся гора́,/ побе́гшее же мо́ре на дво́е и Иорда́н сей, возврати́выйся:// Ты бо еси́ Христо́с, Бо́жия му́дрость и си́ла.

Первый канон святителя Саввы.

Ирмос: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

Терпе́нием напа́сти известву́я,/ и любо́вию Боже́ственною удобря́яся,/ и ревни́тель Боже́ственных быв,/ искуша́емых те́плый, Са́вво, побо́рник.

Плотска́я взыгра́ния воздержа́нием умертви́в,/ Беспло́тный в телеси́, стра́шен бе́сом яви́ся все́ми делы́ свои́ми.

Небе́сный Госпо́дь на тве́рди ве́ры, я́ко звезду́, тебе́ утверди́,/ светя́ща ми́ру свои́ми уче́нии.

Богородичен: Тя, испле́тшую ми́рови нерукоплете́нный вене́ц, песносло́вим,/ – ра́дуйся,– Тебе́, Де́во, зову́ще:/ храни́лище всех, и огражде́ние, и утвержде́ние, и свяще́нное прибе́жище.

Второй канон святителя Саввы.

Ирмос: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Глаго́лом Бо́жиим вразуми́вся/ и себе́ Бо́гови предложи́в,/ оста́вль оте́чество свое́, и пости́же на Святу́ю Го́ру,/ доброде́телию же вы́ше превзы́де.

Преше́д от небытия́ в бытие́ и от земны́х в Небе́сная,/ плотска́я же взыгра́ния и скве́рны плотски́я Бо́жией любо́вию покори́л еси́.

Богородичен: От вели́ких и разли́чных прегреше́ний же и напа́стей всегда́ спаса́еши мя,/ темже я́ко ро́ждшую Тя Го́спода молю́/ и к Тебе́ прибега́ю, непобеди́мей по́мощи скорбя́щим:/ от бед изведи́ мольба́ми Твои́ми.

Песнь 5

Канон Богоявления.

Ирмос: Иису́с, живота́ Нача́льник,/ разреши́ти осужде́ние гряде́т Ада́ма первозда́ннаго,/ очище́ний же, я́ко Бог, не тре́буя,/ па́дшаго очища́ет во Иорда́не,/ в не́мже вражду́ уби́в,// преиму́щ всяк ум мир да́рует.

Сше́дшимся без числа́ лю́дем от Иоа́нна крести́тися, сам посреде́ их ста./ Провозгласи́ же предстоя́щим:/ кто показа́, непокори́вии, гне́ва вам уклони́тися, хотя́щаго бы́ти?/ Плоды́ досто́йны Христу́ сотвори́те:// Предстоя́й бо ны́не мир да́рует.

Де́латель и Зижди́тель, посреде́ стоя́й, я́ко Еди́н всех сердца́ испыту́ет,/ чисти́тельную же лопа́ту руко́ю прие́м,/ всеми́рное гумно́ всему́дре разлуча́ет, непло́дие паля́,// благопло́дным ве́чный живо́т да́рует.

Первый канон святителя Саввы.

Ирмос: Просвети́вый сия́нием/ прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ Богоразу́мия/ правосла́вно пою́щих Тя.

Му́дрый святи́тель, па́стырь святы́й и благи́й/ и свети́льник Це́ркве яви́лся еси́,/ свяще́нный о́тче Са́вво, Бо́гу служа́/ и лю́ди оте́чества просвеща́я све́том своего́ Богоразу́мия.

В Боже́ственную твою́ па́мять святи́телей собо́р, о́тче, ра́дуется/ и ве́рных ли́ки со Безпло́тными веселя́тся,/ пита́ется днесь духо́вно Це́рковь словесы́ твои́ми, о́тче Са́вво.

Вдови́цам помо́щник, оте́ц си́рым,/ засту́пник скорбя́щим, побо́рник бе́дным был еси́ лю́дем Бо́жиим, священному́чениче Са́вво,/ тем с ве́рою блажи́м тя.

Богородичен: Простра́нное селе́ние Сло́ва, ра́дуйся, Пречи́стая,/ Сосу́де, Боже́ственный Би́сер произве́дшая./ Ра́дуйся, всечу́дное всех к Бо́гу примире́ние,/ блажа́щих Тя, Богоро́дице, всегда́.

Второй канон святителя Саввы.

Ирмос: Бо́жиим све́том Твои́м, Бла́же,/ у́тренюющих Ти ду́ши любо́вию, озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Ду́хом духо́вная умно́жив и жела́нием к Бо́гу разже́гся,/ Иса́иино исполня́я прорече́ние, издале́че ше́л еси, Сио́на дости́г,/ и поклони́ся ме́сту, иде́же стоя́ста но́зе Боже́ственне,/ и Гроб Госпо́день облобыза́л еси́ любе́зно.

От Пренепоро́чныя проше́д, Собезнача́льное Сло́во, о́тче,/ плотску́ю оби́тель Себе́ сотвори́ со Отце́м Свои́м в души́ твое́й, свяще́нне,/ ба́ня бо Боже́ственная от пречи́стых твои́х исто́чник, слез твое́ю о́чию,/ во ца́рствии служа́щу ти непреста́нная быва́ше.

Богородичен: Приле́жно Ти припа́даю, моля́ся:/ я́ко Ма́ти Зижди́теля моего́,/ одержа́щих мя бед свободи́.

Песнь 6

Канон Богоявления.

Ирмос: Глас Словесе́, свети́льник Све́та,/ денни́ца Со́лнца, Предте́ча в пусты́ни,/ – пока́йтеся! – всем вопие́т лю́дем, – и предочи́ститеся:/ се бо предстои́т Христо́с,// от тли мир избавля́яй.

Ро́ждься нетле́нно от Бо́га и Отца́,/ от Де́вы кроме́ скве́рны воплоща́ется Христо́с,/ Ему́же реме́нь, я́же от нас Сло́ва сочта́ния, разреши́ти неудо́б, учи́т Предте́ча,// земноро́дныя от ле́сти избавля́я.

Огне́м крести́т коне́чным Христо́с проти́вныя,/ а не Бо́га му́дрствующих Его́,/ Ду́хом же обновля́ет водо́ю благода́ти разумли́выя Божества́ Его́,// от прегреше́ний избавля́я.

Первый канон святителя Саввы.

Ирмос: Обы́де нас после́дняя бе́здна,/ несть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш,/ Ты бо кре́пость немощству́ющих и исправле́ние.

Прие́м Сло́ва Спаси́теля, му́дре, тала́нт,/ я́ко уго́дник ве́рный на трапе́зе воздержа́нием умно́жил еси/ и прине́сл еси́ себе́ чи́стою любо́вию Влады́це своему́, святи́телю Са́вво.

Просвети́л еси ри́зу свяще́нную во труде́х свои́х и яви́лся па́стырь слове́сных ове́ц, му́дре,/ и́же па́лицею своего́ уче́ния на па́стбище изгоня́еши Боже́ственное.

Отпуще́н пло́ти до́лжным,/ пра́ведным усну́л еси сном, му́дре святи́телю Са́вво,/ и со А́нгелы Боже́ственныя зари́ насыща́ешися/ и све́тлыми украша́ешися луча́ми.

Богородичен: Ра́дости вина́,/ облагодати́ наш по́мысл, е́же зва́ти Тебе́:/ ра́дуйся, неопали́мая купино́,/ о́блаче всесве́тлый,/ ве́рныя непреста́нно осеня́ющий.

Второй канон святителя Саввы.

Ирмос: Жите́йское мо́ре/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой, Многоми́лостиве.

Ца́рствующий все́ми, Бог тя испе́рва возлюби́, свя́те,/ тобо́ю бо ю́ности обузда́ние всем показа́/ и власте́м же покоре́ние, ми́лостыни же рачи́теля,/ си́рым засту́пника те́пла, скорбя́щим утеше́ние.

Ца́рства Бо́жия вожделе́в, блаже́нне Са́вво,/ Сио́на бо дости́гнув, труды́ же и по́ты Сина́йския Горы́ доше́д и Еги́пта вари́в,/ порабоща́юще ра́бскую плоть, и Ду́ху же весь примеси́ся,/ и со Христо́м ца́рствуеши во вся ве́ки.

Богородичен: Отверзо́шася на мя непра́вды уста́, Влады́чице,/ те́мже мя, я́ко Засту́пница, сих вско́ре свободи́.

Кондак

Глас 8.

Я́ко первосвяти́теля вели́каго и апо́столов соо́бщника,/ Це́рковь прославля́ет тя́ люде́й твои́х, преподо́бне,/ но я́ко име́я дерзнове́ние ко Христу́ Бо́гу,/ моли́твами твои́ми от вся́ких нас бед спаса́й, да зове́м ти́:// ра́дуйся, о́тче Са́вво богому́дре.

Икос.

Житие́м я́ко а́нгел на земли́, о́тче, яви́лся еси́,/ челове́к бо сый естество́м, и безпло́тных чистоте́ уподо́бился еси́./ Те́мже и похва́льная удивля́еши нас зва́ти такова́я:/ ра́дуйся, отца́ благочести́ва прозябе́ние,/ и ма́тере благогове́йны прижи́тие./ Ра́дуйся, моли́твами Богода́нне, и да́вшему тя́ измла́да после́довав./ Ра́дуйся, поще́ния све́тлый ра́сте, чистото́ю благоуха́нне./ Ра́дуйся, целому́дрия сто́лпе,/ и́мже вся́кая стра́сть попра́ся./ Ра́дуйся, смире́нием высо́кий,/ де́монов горды́ню низложи́вый./ Ра́дуйся, свети́льниче многосве́тлый,/ возведы́й ко Христу́ лю́ди твоя́./ Ра́дуйся, Це́рквей воздви́жение и святи́телем освяще́ние./ Ра́дуйся, сиро́т пита́телю и ни́щим пода́телю благоутро́бный./ Ра́дуйся, апо́столов равноре́вностне Ева́нгельским науче́нием./ Ра́дуйся, му́чеником сострада́льне стра́нствия хожде́нием./ Ра́дуйся, чудоде́лателю ди́вных о Бо́зе и ужа́сных чуде́с./ Ра́дуйся, похвало́ оте́честву твоему́,/ спаса́й пою́щих тя́.// Ра́дуйся, о́тче Са́вво богому́дре.

Песнь 7

Канон Богоявления.

Ирмос: Ю́ноши благочести́выя, пе́щи о́гненней приобщи́вшияся,/ шумя́щ дух ро́сный невреди́мы сохрани́/ и Бо́жия А́нгела снизхожде́ние./ Те́мже, в пла́мени ороша́еми, благода́рственно воспева́ху:// препе́тый отце́в Го́споди и Бо́же, благослове́н еси́.

Я́коже на Небеси́, с тре́петом и чу́дом предстоя́ху/ во Иорда́не си́лы А́нгельския, смотря́юще толи́ка Бо́жия схожде́ния:/ я́ко Держа́й превы́шних вод соста́в, в вода́х Плотоно́сец стоя́ше,// Бог отце́в на́ших.

О́блак дре́вле и мо́ре Боже́ственнаго прообража́ху Креще́ния чу́до,/ в ни́хже дре́внии крести́шася, исходя́ще зако́ннии лю́дие./ Мо́ре же бе о́браз воды́, и о́блак – Ду́ха.// И́миже соверша́еми, – благослове́н еси́, – зове́м, – Го́споди Бо́же, во ве́ки.

Вси ве́рнии, в Не́мже соверше́ние прия́хом,/ богосло́вяще немо́лчно со А́нгелы, просла́вим Отца́, и Сы́на, и Ду́ха Свята́го:/ се бо – Тро́ица, Ипоста́сьми Единосу́щная, Еди́н же Бог.// Ему́же пое́м: благослове́н еси́, Го́споди Бо́же, во ве́ки.

Первый канон святителя Саввы.

Ирмос: Тебе́, у́мную, Богоро́дице, пещь,/ разсмотря́ем, ве́рнии,/ я́коже бо о́троки спасе́ три Превозноси́мый,/ мир обнови́, во чре́ве Твое́м всеце́л,/ хва́льный отце́в Бог и препросла́влен.

Благоче́стием житие́ соверши́в, святи́телю Са́вво,/ от земли́ на Небеса́ преста́вился еси́/ и со А́нгелы Бо́гу слу́жиши непреста́нно,/ те́мже к нам, с ве́рою пою́щим тя, прииди́ ду́хом,/ просвеща́я нам у́мное о́ко.

Честно́му о́бразу твоему́ покланя́ющихся, святи́телю честны́й Са́вво,/ па́мять твою́ сла́вящих и честну́ю ра́ку твои́х моще́й,/ от напа́сти и бед свободи моли́твами, Са́вво, к Бо́гу твои́ми.

Достодо́лжно чтим па́мять твою́, уго́дниче Христо́в,/ ра́це покланя́ющеся Боже́ственных моще́й твои́х,/ наслажда́ющеся слове́с твои́х, я́коже и чуде́с, преподо́бне.

Богородичен: Мо́лим, раби́ Твои́, и приклоня́ем коле́но се́рдца на́шего:/ приклони́ у́хо Твое́, Чи́стая,/ и спаси́ скорбьми́ погружа́емый при́сно,/ и соблюди́ от вся́каго вра́жия плене́ния Твой град, Богоро́дице.

Второй канон святителя Саввы.

Ирмос: Росода́тельну убо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Бога́тство ми́ра и всю сла́ву красоты́, о́тче, оста́вил еси́ сла́вы ра́ди Боже́ственныя и присносу́щия/ и научи́л еси́ вся пе́ти:/ Изба́вителю Бо́же, благослове́н еси́.

Еди́на благода́ть Отца́, Сы́на же и Ду́ха,/ изво́льшая тя, святи́теля и по́стника/ и со апо́столы причте́ннаго, любо́вию вопию́щим:/ Избави́телю Бо́же, благослове́н еси́.

Богородичен: Предста́тельством Твои́м избавля́емся бед и скорбе́й/ и обрета́ем бога́тство ве́лие неистоща́емое.

Песнь 8

Канон Богоявления.

Ирмос: Та́йну пресла́вную вавило́нская показа́ пещь,/ источи́вшая ро́су,/ я́ко струя́ми имя́ше невеще́ственный Огнь восприя́ти Иорда́н/ и объя́ти пло́тию креща́ема Зижди́теля,// Его́же благословя́т лю́дие и превозно́сят во вся ве́ки.

Отложи́ страх весь, – Изба́витель Предте́чи рече́,/ – Мне же повини́ся, я́ко Благо́му,/ Мне приступи́, сие́ бо естество́м бых,/ Мои́м повеле́нием покори́ся и крести́ Мя, соше́дшаго,// Его́же благословя́т лю́дие и превозно́сят во вся ве́ки.

Глаго́лы я́коже услы́ша Крести́тель Влады́чни, с тре́петом длань простира́ет,/ оба́че же, руко́ю косну́вся верху́ Зижди́теля своего́, Кре́щшемуся вопия́ше:/ освяти́ мя, Ты бо еси Бог мой,// Его́же благословя́т лю́дие и превозно́сят во вся ве́ки.

Тро́ицы явле́ние во Иорда́не бысть,/ са́мое бо Пребоже́ственное Естество́, Оте́ц, возгласи́:/ Сей креща́емый – Сын возлю́бленный Мой,/ Дух же прии́де к Подо́бному,// Его́же благословя́т лю́дие и превозно́сят во вся ве́ки.

Первый канон святителя Саввы.

Ирмос: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Успи́л еси́ стра́сти и жите́йский во́лны/ Боже́ственными восхожде́нии и неосла́бными очище́ниями,/ тем в Невече́рнем све́те успе́нием возсия́л еси́.

Благоуха́ют дела́ твои́х трудо́в,/ блиста́ют уче́ний твои́х словеса́,/ чудотворе́ния всю́ду оглаша́ют,/ уго́дниче Са́вво, Христо́в священноучениче́.

Я́звы Христо́вы поне́с, Са́вво, душе́ю,/ пло́тию свое́ю о́бщник бысть му́дрых апо́стол,/ тем чтим тя, ве́рнии, я́ко святи́теля.

Богородичен: Ми́ру ро́ждшая Спасе́ние,/ Имже от земли́ на высоту́ взя́ти бы́хом./ Ра́дуйся, Всеблагослове́нная, покро́ве и держа́во, стено́ и утвержде́ние пою́щим, Чи́стая:/ Го́спода по́йте, дела́,/ и превозноси́те во вся ве́ки.

Второй канон святителя Саввы.

Ирмос: Из пла́мене преподо́бным ро́су источи́л еси/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Избавле́ние Христо́с дав тя и оте́честву яви́в тя свяще́нника,/ ста́до бо честно́ю кро́вию искупи́в, даст тя па́стыря, просвеща́ти, и учи́ти, и пе́ти:/ де́ти, благослови́те, свяще́нницы, воспо́йте,/ лю́дие, превозноси́те во вся ве́ки.

О, пресла́вных даро́в, имиже просла́ви тя в ми́ре Бог,/ житие́ бо благоче́стно твое́ в ми́ре показа́в, смерть же, я́ко свята́го, честну́,/ житие́ же на Небеси́ ди́вно и препросла́вленно, и вопи́ти же всех научи́:/ де́ти, благослови́те, свяще́нницы, воспо́йте,/ лю́дие, превозноси́те во вся ве́ки.

Обнови́в непло́дную ни́ву,/ насе́ял еси семя́н словеса́,/ стори́цею пожа́л еси́ слове́сные кла́сы,/ Богопло́дия де́лателю, днесь угобзи́вшия, и́же пою́т:/ благослови́те, вся дела́ Госпо́дня, Го́спода.

Богородичен: И́же нра́вом прельща́емь есмь,/ без отве́та сый, Богоро́дице, зову́:/ вся́ческих мя изба́ви зол.

Песнь 9

Канон Богоявления.

Ирмос: Недоуме́ет всяк язы́к благохвали́ти по достоя́нию,/ изумева́ет же ум и преми́рный пе́ти Тя, Богоро́дице,/ оба́че, Блага́я су́щи, ве́ру приими́,/ и́бо любо́вь ве́си Боже́ственную на́шу:// Ты бо христиа́н еси́ Предста́тельница, Тя велича́ем.

Дави́де, прииди́ Ду́хом к просвеще́нным, –/ ны́не приступи́те, – пой к Бо́гу, –/ ве́рою, – глаго́ля, – просвети́теся!/ Сей ни́щий воззва́ Ада́м в паде́нии, и́бо Того́ услы́ша Госпо́дь,// прише́д, струя́ми Иорда́нскими тле́ннаго же обнови́.

Иса́ия, – измы́йтеся, очи́ститеся! – глаго́лет,/ – лука́вствия пред Го́сподем оста́вите./ Жа́ждущии, на во́ду жи́ву иди́те:/ кропи́т бо водо́ю, обновля́я, Христо́с приступа́ющия к Нему́ ве́рою// и к животу́ нестаре́емому креща́ет Ду́хом.

Соблюда́емся благода́тию, ве́рнии, и печа́тию./ Я́ко бо губи́теля, бежа́ша пра́га евре́и, дре́вле окрова́влена,/ та́ко и нам исхо́дное Боже́ственное сие́ пакибытия́ ба́ня бу́дет.// Отсю́ду и Тро́ицы у́зрим Свет Незаходи́мый.

Первый канон святителя Саввы.

Ирмос: О́браз чи́стаго рождества́ Твоего́/ огнепали́мая купина́ показа́ неопа́льная;/ и ны́не на нас напа́стей свире́пеющую угаси́ти, мо́лимся, пещь,/ да Тя, Богоро́дице,/ непреста́нно велича́ем.

Ца́рское прозябе́ние,/ святи́тельскую красоту́,/ мона́хом сла́ву и Боголе́пие,/ Се́рбское свети́ло на земли́, Са́вву я́вльшагося вси досто́йно ублажи́м.

Освяти́ся па́мятию твое́ю оте́чество твое́, святи́телю Са́вво,/ и, торжеству́я, зове́т, и моле́бно вопие́т:/ мольбу́ Го́сподеви принеси́ о нас, блаже́нне,/ получи́ти ве́чных благ похваля́ющим ны́не па́мять твою́.

Богоно́снии веселя́тся, преставле́ния своего́ па́мять предлага́я нам,/ о христолю́бцы, прииди́те, свяще́нную объе́млюще его́ ра́ку,/ та́йными кра́снаго пе́ния цветы́ и главы́ своя́ увенча́ем.

Богородичен: Пощади́, Бо́же, насле́дие Твое́,/ грехи́ на́ша вся пре́зрев ны́не,/ на сие́ име́я моля́щую Тя,/ на земли́ безсе́менно Тебе́ ро́ждшую,/ вели́кия ра́ди ми́лости восхоте́вшаго вообрази́тися, Христе́, в челове́чество.

Второй канон святителя Саввы.

Ирмос: Бо́га/ челове́ком невозмо́жно ви́дети,/ на Него́же не сме́ют чи́ни а́нгельстии взира́ти./ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Земля́, покры́вшая те́ло твое́ свято́е, всегда́ весели́тся, благоуха́ющи,/ всех стра́нных сла́вно призыва́ющи,/ а́ще бо и стра́нно во стра́нных, свя́те, почи́л еси́,/ Влады́ка бо тя, Христо́с, Своему́ стра́нствию сла́вно причте́.

Да ра́дуется Це́рковь, славосло́вящи днесь,/ и да славосло́вит же Небе́сный круг с не́ю,/ и со пе́сньми, земноро́днии, ны́не да усря́щем преосвяще́нное те́ло,/ ны́не от стра́нных Боже́ственным манове́нием во своя́ си преноси́м, пою́ще:/ Тебе́ велича́ю, Бо́же мой, Иису́се.

Богородичен: Тя, наде́жду и заступле́ние, тве́рдо стяжа́в, Чи́стая,/ велича́я Тя я́ко Богоро́дицу, песнь ве́рою скончава́ю.

Светилен

Свети́льник тя́ многосве́тлый, святи́телю, зна́ем, / моли́твы ча́до, пусты́ни воспита́ние, чистоты́ оби́телище, / мона́хом спо́стника, ни́щим пита́теля, святи́телем све́тлость. // Те́мже тя́, о́тче, ве́рнии пое́м.

Слáва Отцу́ и Сы́ну и Святóму Ду́ху.

От Восто́ка мы́сленнаго Со́лнца Христа́, светоза́рныя лучи́ возсия́вшия / и мра́чную страну́ на за́паде люде́й свои́х просвети́вшыя / све́тлостию слове́с, и доброде́тели де́ланием, / и ны́не не преста́йте Го́споду моля́щеся, и сия́ в ми́ре сохрани́ти, // Са́вво и Симео́не, па́мять ва́шу почита́ющих.

И ны́не, и при́сно, и во вéки векóв. Ами́нь.

Яви́ся Спас, благода́ть и и́стина, во струя́х Иорда́нских/ и су́щия во тьме и се́ни спя́щия просвети́л есть,// и́бо прии́де и яви́ся Свет Непристу́пный.

Стихиры на хвалитех (на 6)

Глас 6.

Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Хвалите Его вси Ангели Его,/ хвалите Его вся силы Его.// Тебе подобает песнь Богу.

Стихиры Богоявления.

Стих: Сотвори́ти в них суд напи́сан: / сла́ва сия́ бу́дет всем преподо́бным Его́.

Сия́ние от Све́та, Свет сый, Иису́се мой,/ просвети́л еси́ нас неизрече́нным Твои́м осия́нием,/ пре́жде ослепле́нныя во Еде́ме от зми́я,/ во Иорда́не ны́не Свет вси́ Све́том Твои́м зря́ще, ве́рно пое́м:// благослове́н, явле́йся Бо́же наш, сла́ва Тебе́.

Стих: Хвали́те Бо́га во святы́х Его́, / хвали́те Его́ во утверже́нии си́лы Его́.

Тебе́, я́ко благоволи́, проси́/ нам согреше́ний избавле́ние при́сно пода́ти,/ Ему́же пое́м:// благослове́н, явле́йся Бо́же наш, сла́ва Тебе́.

Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Вознесе́м, ве́рнии, в ра́зуме сердца́,/ потеце́м со тща́нием к струя́м Иорда́нским,/ и уви́дим Зижди́теля, пло́тски креща́ема от Иоа́нна Предте́чи,/ и с ни́м богосло́вяще, воспои́м:// благослове́н, явле́йся Бо́же наш, сла́ва Тебе́.

Стихиры святителя Саввы.

Глас 1.

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Влады́чества престо́л украша́я доброде́тельми,/ Ду́хом Бо́жиим святи́тельский престо́л прия́т,/ тем ве́рный смотри́тель/ благода́ти в обо́ю, святи́телю Са́вво, быв,/ сугу́б вене́ц прия́л еси́.

Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Воздержа́нием, и боле́зньми, и беда́ми мно́гими,/ и моли́твами непреста́нными/ ду́шу и те́ло очи́стив,/ Богому́дре святи́телю Са́вво,/ тем сосу́д избра́нный Бо́гу на́шему бысть/ и яви́ся апо́стол, а́бие яви́вся,/ прия́л еси́ дарова́ния.

Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Глас Ева́нгелия Христо́ва послу́шав/ и Того́ пре́жде возлюби́в,/ Богоно́сне о́тче наш Са́вво,/ чи́стым житие́м пожи́в, превозлюби́в ча́да своя́,/ не о су́щем бо то́кмо пе́клся еси́,/ но и реча́ми и де́лы на Не́бо возводя́ ны,/ душеспа́сныя кни́ги оста́вив нам и доброде́тельныя зако́ны,/ и́же любо́вию собра́вшеся, ча́да твоя́, сво́йственно взыва́ем:/ не пре́зри, ихже возлюби́л еси,/ ихже о Христе́ уче́нием породи́л еси,/ зало́гом и́мамы твоя́ обеща́ния,/ а́ще и разлучи́ся от нас, па́стырю до́брый,/ дерзнове́нию от Го́спода и наде́жд не погреши́л еси./ Отдаждь до́лги, еди́наго по еди́ному прие́мля/ и принося́ ко Христу́ моли́твами твои́ми.

Сла́ва Отцу́, и Сы́ну, и Свято́му Ду́ху.

Глас 8.

Ца́рское свяще́ние,/ во святи́тельскую оде́жду обо́лкся, преподо́бне,/ и на земли́ послужи́л еси́ во пло́ти, я́ко Безпло́тен,/ и Тро́ице ны́не предстои́ши,/ со Безпло́тными ли́ки веселя́ся и вопия́:/ Трисвята́я Еди́нице Трисоста́вная,/ спаси́ лю́ди Своя́, всегда́ согреша́ющия Тебе́,/ Свое́ю бла́гостию.

И ны́не, и при́сно, и во ве́ки веко́в. Ами́нь.

Глас 6.

О па́че ума́ Боже́ственнаго смотре́ния!/ Ка́ко Творе́ц тва́ри предста́, и преклоня́ет сему́ главу́?/ Указа́нием бо нам о́браз смире́ния вво́дит,/ и́же о Не́м просвеще́нным,/ Ему́же пое́м:// благослове́н, явле́йся Бо́же наш, сла́ва Тебе́.

Тропарь по Великом славословии

Глас 3.

Пути́, вводя́щаго в жизнь,/ наста́вник, и первопресто́льник, и учи́тель был еси́:/ пе́рвее бо прише́д, святи́телю Са́вво,/ оте́чество твое́ просвети́л еси́/ и, породи́в то́е Ду́хом Святы́м,/ я́ко дре́ва ма́слинная,/ в мы́сленнем раи́ насади́л еси́ всеосвяще́нная твоя́ ча́да./ Тем, я́ко апо́столом и святи́телем сопресто́льна/ чту́ще тя, мо́лим:/ моли́ Христа́ Бо́га// дарова́ти нам ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 1.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.

Отпуст

И́же во Иорда́не крести́тися изво́ливый от Иоа́нна на́шего ра́ди спасе́ния, Христо́с, И́стинный Бог наш…

Кондак на Первом часе

Глас 4.

Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.

Блаженны (на 8)

Песнь 7-я первого и второго канонов Богоявления, песнь 6-я первого или второго канона святителя Саввы.

Во Ца́рствии Твое́м помяни́ нас, Го́споди, / егда́ прии́деши во Ца́рствии Твое́м.

Блаже́ни ни́щии ду́хом, / я́ко тех есть Ца́рство Небе́сное.

Блаже́ни пла́чущии, / я́ко ти́и уте́шатся.

Блаже́ни кро́тции, / я́ко ти́и насле́дят зе́млю.

Блаже́ни а́лчущии и жа́ждущии пра́вды, / я́ко ти́и насы́тятся.

Блаже́ни ми́лостивии, / я́ко ти́и поми́ловани бу́дут.

Ю́ноши благочести́выя, пе́щи о́гненней приобщи́вшияся,/ шумя́щ дух ро́сный невреди́мы сохрани́/ и Бо́жия А́нгела снизхожде́ние./ Те́мже, в пла́мени ороша́еми, благода́рственно воспева́ху:// препе́тый отце́в Го́споди и Бо́же, благослове́н еси́.

Блаже́ни чи́стии се́рдцем,/ я́ко ти́и Бо́га у́зрят.

Я́коже на небеси́, с тре́петом и чу́дом предстоя́ху/ во Иорда́не си́лы а́нгельския, смотря́юще толи́ка Бо́жия схожде́ния:/ я́ко Держа́й превы́шних вод соста́в, в вода́х Плотоно́сец стоя́ше,// Бог отце́в на́ших.

Блаже́ни миротво́рцы,/ я́ко ти́и сы́нове Бо́жии нареку́тся.

Тебе́ живопису́ющий ассири́йский пла́мень ужа́сен поставля́еши, в ро́су преведе́н;/ те́мже вода́ ны́не, я́коже пла́мень, одева́яй, вре́дную зло́бу, Христе́, прикрове́нную опаля́ет,// от поползнове́нныя стези́ призыва́ющи.

Блаже́ни изгна́ни пра́вды ра́ди,/ я́ко те́х е́сть Ца́рство Небе́сное.

Разде́льшуся Иорда́ну дре́вле, по су́ху прехо́дят лю́дие Изра́ильстии,/ Тебе́, Держа́внейшаго, содержа́ща тварь некосни́тельне,// ны́не в вода́х напису́ющии, к нетле́нней и поле́зней стези́.

Блаже́ни есте́, егда́ поно́сят ва́м,/ и изжену́т, и реку́т вся́к зо́л глаго́л, на вы́ лжу́ще Мене́ ра́ди.

Пресве́тлыя Тро́ицы пе́рвее же́ртвенник се́рдце твое́ сотвори́л еси́ / и це́рковь Бо́гу Спа́су во оте́честве твое́м воздви́гл еси́, / в не́йже, о́тче, первопресто́лен равноапо́стольный учи́тель от Христа́ удосто́ился еси́ // и сло́во жи́зни лю́дем твои́м источи́л еси́.

Ра́дуйтеся и весели́теся,/ я́ко мзда́ ва́ша мно́га на Небесе́х.

Бра́та твоего́ уме́рша слы́шав,/ А́нгелу, ко Христу́ дерзнове́нием, ду́шу его́ возврати́ти повеле́л еси́,/ и сего́ вдушевле́нна прише́д обре́л еси́./ О́ле ве́ры! О́ле дерзнове́ния!/ Чу́до, о́тче, вои́стинну ужа́сно:// зе́мен сый, Небе́сному повеле́л еси́.

Сла́ва Отцу́, и Сы́ну,/ и Свято́му Ду́ху.

Пренача́льное Естество́ и Триипоста́сное Еди́нство:/ О́тче и Сы́не и Ду́ше Пресвяты́й,/ Све́те и Животе́ Богонача́льный,/ приими́ моли́твенники о нас Твоя́ уго́дники,/ спаса́й Це́ркви Твоя́, в Тя́ ве́рующия,// и сподо́би ны́ в ми́ре сла́вити Твою́ держа́ву.

И ны́не, и при́сно,/ и во ве́ки веко́в. Ами́нь.

Ви́дети жела́юще Твоего́ Сы́на и Бо́га, Небе́снаго сла́ву Ца́рствия, Богоро́дице,/ Са́вва и Симео́н преподо́бнии, сла́ву земна́го ца́рствия оста́вивше,/ и Сего́ Крест на ра́му взе́мше, после́доваша// живоно́сным Его́ и Боже́ственным стопа́м.

Тропари по входе

Тропарь Богоявления, глас 1.

Во Иорда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя́ Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.

Тропарь святителю Савве, глас 3.

Пути́, вводя́щаго в жизнь,/ наста́вник, и первопресто́льник, и учи́тель был еси́:/ пе́рвее бо прише́д, святи́телю Са́вво,/ оте́чество твое́ просвети́л еси́/ и, породи́в то́е Ду́хом Святы́м,/ я́ко дре́ва ма́слинная,/ в мы́сленнем раи́ насади́л еси́ всеосвяще́нная твоя́ ча́да./ Тем, я́ко апо́столом и святи́телем сопресто́льна/ чту́ще тя, мо́лим:/ моли́ Христа́ Бо́га// дарова́ти нам ве́лию ми́лость.

Слáва Отцу́ и Сы́ну и Святóму Ду́ху.

Кондак святителю Савве, глас 8.

Я́ко первосвяти́теля вели́каго и апо́столов соо́бщника,/ Це́рковь прославля́ет тя́ люде́й твои́х, преподо́бне,/ но я́ко име́я дерзнове́ние ко Христу́ Бо́гу,/ моли́твами твои́ми от вся́ких нас бед спаса́й, да зове́м ти:// ра́дуйся, о́тче Са́вво богому́дре.

И ны́не и при́сно, и во ве́ки веко́в. Ами́нь.

Кондак Богоявления, глас 4.

Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет непристу́пный.

Прокимен

Богоявлению Гоcподню

Глас 4: Благослове́н Гряды́й во и́мя Госпо́дне, / Бог Госпо́дь и яви́ся нам.

Стих: Испове́дайтеся Го́сподеви, я́ко благ, я́ко в век ми́лость Его́.

Святителю Савве

Глас 7: Честна́ пред Го́сподем/ сме́рть преподо́бных Его́.

Стих: Что возда́м Го́сподеви о всех, я́же воздаде́ ми?

Чтение Апостола

Ко евре́ем посла́ния свята́го апо́стола Па́вла чте́ние.

Бра́тие, тако́в на́м подоба́ше Архиере́й, преподо́бен, незло́бив, безскве́рнен, отлуче́н от гре́шник и вы́шше Небе́с быв. И́же не и́мать по вся дни ну́жды, я́коже первосвяще́нницы, пре́жде о свои́х гресе́х же́ртвы приноси́ти, пото́м же о людски́х: сие́ бо сотвори́ еди́ною, Себе́ прине́с. Зако́н бо челове́ки поставля́ет первосвяще́нники, иму́щия не́мощь, сло́во же кля́твенное, е́же по зако́не, Сы́на во ве́ки соверше́нна. Глава́ же о глаго́лемых, такова́ и́мамы Первосвяще́нника, и́же се́де одесну́ю Престо́ла Вели́чествия на Небесе́х, Святы́м служи́тель и ски́нии и́стинней, ю́же водрузи́ Госпо́дь, а не челове́к.^{Евр.7:26-8.2}

Аллилуарий

Богоявлению Гоcподню

Глас 4: Принеси́те Го́сподеви, сы́нове Бо́жии, / принеси́те Го́сподеви сы́ны о́вни.

Стих: Глас Госпо́день на вода́х, Бог сла́вы возгреме́, Госпо́дь на вода́х мно́гих.

Святителю Савве

Глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

Чтение Евангелия
от Иоанна, зачало 36

От Иоа́нна свята́го Ева́нгелия чте́ние.

Рече́ Госпо́дь ко прише́дшым к Нему́ иуде́ом: Аз есмь дверь, Мно́ю а́ще кто вни́дет, спасе́тся, и вни́дет и изы́дет, и па́жить обря́щет. Тать не прихо́дит, ра́зве да укра́дет, и убие́т, и погуби́т, Аз приидо́х, да живо́т и́мут и ли́шше и́мут. Аз есмь па́стырь до́брый, па́стырь до́брый ду́шу свою́ полага́ет за о́вцы. А нае́мник, и́же несть па́стырь, ему́же не суть о́вцы своя́, ви́дит во́лка гряду́ща и оставля́ет о́вцы, и бе́гает, и волк расхи́тит их, и распу́дит о́вцы. А нае́мник бежи́т, я́ко нае́мник есть и неради́т о овца́х. Аз есмь па́стырь до́брый, и зна́ю Моя́, и зна́ют Мя Моя́. Я́коже зна́ет Мя Оте́ц, и Аз зна́ю Отца́, и ду́шу Мою́ полага́ю за о́вцы. И и́ны о́вцы и́мам, я́же не суть от двора́ сего́, и ты́я Ми подоба́ет привести́, и глас Мой услы́шат, и бу́дет еди́но ста́до, и еди́н Па́стырь.^Ин.10:9-16

Задостойник

Припев: Велича́й, душе́ моя́,/ честне́йшую го́рних во́инств,// Де́ву Пречи́стую Богоро́дицу.

Ирмос, глас 2: Недоуме́ет всяк язы́к благохвали́ти по достоя́нию, / изумева́ет же ум и преми́рный пе́ти Тя́, Богоро́дице, / оба́че, Блага́я су́щи, ве́ру приими́, / и́бо любо́вь ве́си Боже́ственную на́шу: // Ты́ бо христиа́н еси́ Предста́тельница, Тя́ велича́ем.

Причастен

Богоявления Господня

Яви́ся благода́ть Бо́жия спаси́тельная всем челове́ком.

Святителя Саввы

В па́мять ве́чную бу́дет пра́ведник, от слу́ха зла не убои́тся.

Светосавска химна
Стеван Ст. Мокрањац

PDF · MP3 · MSCZ · Видео · В начало

Святитель Савва Сербский

Жизнь святого Саввы, первого Архиепископа Сербского, достойна особенного внимания не только потому, что она представляет собой пример пламенной любви к Господу, высоких иноческих трудов и пастырских подвигов, но и потому, что проливает много света на историю монашеской жизни на Афоне – неувядающего хранилища и рассадника иноческой жизни, а также на историю и состояние Сербской Православной Церкви конца XII – первой половины XIII веков. Наследие святителя Саввы живёт в Православном Церковном предании славянских народов. С его именем связано первое введение Иерусалимского Устава в славянских иноческих обителях: по Типику святого Саввы доныне живет Сербский монастырь Хиландар на Святой Горе Афон. Принадлежащая святителю редакция Кормчей книги стала наиболее распространённой в Русской Церкви.

Святителя Са́вву, первого архиепископа Сербского, в миру звали Ра́стко. Он был сыном самодержца Сербии, жупа́на Сте́фана Не́мани и Анны, дочери греческого императора Романа IV. Растко родился в то время, когда под твёрдым и мудрым правлением своего отца Сербия, прежде униженная в своём политическом и духовном состоянии, начала возвышаться и укрепляться. Хотя Растко дали доброе христианское воспитание, его вовсе не готовили для духовного пути. По мере того как мальчик рос, всё больше и больше проявлялись сокрытые в нём душевные и умственные дарования. Видя это, отец решил, что передаст в будущем управление Сербским государством в руки Растко, полагая, что он станет лучшим правителем, чем его старшие братья. Стефан готовил своего младшего сына для роли мирского владыки, не подозревая, что тот станет владыкой духовным.

Когда юному князю исполнилось 15 лет, он получил от своего отца в удел Захо́лмскую область (современная Герцегови́на), чтобы научиться всем премудростям управления, необходимым для наследника престола. Но богатство и роскошь княжеского двора, с её великосветскими забавами была чужда душе и уму молодого Растко. Он стал жить своей, обособленной от всякого мирского попечения жизнью, часто посещал храмы, постился, много времени уделял молитве.

Ещё с детства Растко питал особую любовь к инокам. При царском дворе своего отца он много слышал о Святой Горе Афон, о постниках и молитвенниках, населявших её. Ведь к жупану Стефану часто приезжали иноки за милостыней и восторженно рассказывали о монашеских подвигах и подвижнической жизни на Святой Горе. Однажды, когда Растко приехал из своего удела навестить отца, он познакомился с русскими иноками, прибывшими из Афона. Среди них был один, который с особым пламенным чувством рассказывал об обителях и монашеской жизни. Взволнованный княжич пригласил этого инока к себе и расспросил его об образе жизни монахов на Святой Горе. Картина безмятежной, душеспасительной жизни, свободной от всяких мирских забот, посвящённой одной только молитве и благочестивому созерцанию, картина подвигов добродетелей афонских иноков восхитила благочестивого юношу.

Растко тайно оставил отчий дом и прибыл в русский Пантеле́имонов монастырь. Отец его, узнав, что сын находится на Афоне, снарядил целую дружину с верным воеводой и написал правителю области, куда входил Афон, что, если ему не вернут сына, он пойдёт на греков войной. Прибыв в монастырь, воевода велел глаз не спускать с Растко. Княжич был ещё в мирской одежде, что обрадовало искавших его послов, которые стали убеждать его вернуться к отцу, при этом пригрозив тем, что если он не сделает этого по доброй воле, то его заставят покинуть Афон силой. Видя настойчивость послов, подкреплённую наличием в их распоряжении военной силы, Растко ответил: «Да будет воля Божия!». Обрадованные послы устроились отдыхать после долгого пути и обильной трапезы. Во время вечернего богослужения, когда упоённые вином воины уснули, Растко принял постриг с наречением в честь преподобного Саввы Освященного. Проснувшиеся послы уже ничего не могли сделать. Они забрали с собой только мирскую одежду, остриженные волосы и письмо юного инока к отцу. В письме он попросил своих родителей не скорбеть о нём, не считать его погибшим, а лучше молиться о нём Богу.

Так молодой инок поселился в русском Пантелеимонове монастыре, где снискал у братии большую любовь и уважение. В летописях этого монастыря пребывание Растко Неманича, младшего сына великого жупана Сербского записано, как одно из самых больших событий, имевших место в его истории. Вскоре по всей Святой Горе разнеслась весть, что сын Сербского самодержца, оставив своего отца, поселился на Афоне. Многие желали видеть этого смиренного инока. Вскоре он перешёл в Ватопе́дский монастырь и там принял ангельский постриг с именем Са́ввы. Юного монаха сильно влекло к отшельничеству, но по настоянию игумена монастыря Савва остался в общежитии, где нёс послушание образцово. Днём он служил братии, ночью молился, часто ходил к отшельникам и раздавал им милостыню из богатых приношений, которые ему присылал отец из Сербии.

Сердце монаха Саввы возгорелось благочестивым желанием того, чтобы всё то, что он нашёл на Святой Горе Афон, сделалось достоянием его народа: он хотел, чтобы та же высота веры, христианской жизни и духовного просвещения была перенесена к нему на Родину, в Сербию. И вот после трёхлетнего пребывания в монастыре, Савва понял, что своим примером, своим подвижничеством, он уже подготовил необходимую почву, на которой, следуя его опыту, другие сербы смогут подвизаться в пламенном служении Господу. И тогда он берётся за перо, пишет своему престарелому отцу письмо, предлагая ему отказаться от царской власти, всецело обратив свои помыслы к Господу, приглашая его к себе в монастырь для совместной иноческой жизни, сообщив при этом, что если отец не примет его совета, то ему больше никогда не придётся видеть своего сына.

Великий жупан Стефан, собрав вельмож, зачитал им письмо своего младшего сына и объявил своё желание отречься от мира и от царства. Несмотря на все моления и слёзы подданных, он сложил с себя достоинство великого жупана, передав правление среднему сыну, Стефану II (впоследствии он стал более известен как Стефан Первовенчанный), и поступил в основанный им монастырь Студе́ница, где принял постриг с именем Симеон. Его супруга Анна также приняла постриг с именем Анастасия. Позднее их примеру следовали и другие правители Сербии. Пробыв некоторое время в Студенице, монах Симеон отправился к сыну на Афон, за ним последовали и многие из знатных сербов. Встреча двух царственных иноков – отца и сына после многолетней разлуки произвела на всех глубокое впечатление.

По прошествии некоторого времени Симеон и Савва отправились в Каре́ю – центр управления афонскими монастырями, чтобы испросить небольшой участок земли, на котором можно было бы построить обитель для сербов. Получив на это благословение, они осмотрели Святую Гору, и нашли на берегу моря развалины покинутого монастыря, где и решили основать новый сербский монастырь Хиланда́р. На средства, присланные новым великим жупаном Сербии Стефаном, монастырь был быстро восстановлен, и в 1198 году в него переселились Савва, Симеон и первые иноки из сербов. Но нужно было юридически закрепить право сербов на Хиландар и получить одобрение Византийского императора, на земле которого находилась Святая Гора Афон. Испросив себе благословение отца, Савва отправился в Константинополь.

На аудиенции у императора Алексея III А́нгела, который был родственником Саввы (дочь императора была замужем за его братом Стефаном) Византийский государь не только одобрил все начинания монахов Саввы и Симеона, но даже присвоил Хиландару достоинства императорской Лавры, подчинив ему ещё и свой императорский монастырь Зиг. Теперь Хиландар совершенно не зависел от Священного Кино́та (центрального исполнительного соборного органа управления Святой Горы Афон) ни в управлении, ни в избрании игумена. Император своим указом возвёл Хиландар в статус самоуправляющегося монастыря, вручив монаху Савве игуменский посох.

Уже после смерти своего отца монах Савва приступил к выработке иноческих правил для своего монастыря по образцу Эвергети́дской обители Константинополя. В своём Уставе он высказал горячую любовь к Господу и свой опытный взгляд на иноческую жизнь. Устав, данный Саввой, оговаривал и порядок богослужения, и порядок жизни, и управления монастырем. Хиландар стал общежитийной обителью: монахам не дозволялось иметь собственность, пища была для всех общая, в кельях не дозволялось ни готовить, ни держать продукты. Ежедневно братия должна была исповедовать свои грехи игумену, который должен всех вообще и каждого в отдельности научать и наставлять на путь спасения. Братья, очистившиеся покаянием, могут приобщаться Святых Таин трижды в неделю. Игумен, эконо́м и экклисиа́рх избираются десятью или двадцатью старейшими братьями. Покорность игумену, взаимная любовь и согласие, усердное исполнение возложенного на каждого дела, должны были быть непременной обязанностью каждого инока. Только после того, как монах Савва окончил свой труд по составлению Устава монастыря, он был рукоположен во диакона, а затем и в пресвитера.

Собор Афонских иноков причислил преподобного Симеона к лику святых после того, как во время молитвы о упокоении старца Симеона все молящиеся увидели, что мраморный гроб преподобного Симеона весь наполнился миром. Савве было поручено составить стихиры и канон преподобному Симеону, а также составить житие старца и описать чудеса, совершившиеся по молитвам к нему. Отец Савва подробно сообщил своему брату Стефану в Сербию обо всём, что совершилось на Афоне. Он также послал на Родину и миро от гроба прославленного родителя, описание его чудес и службу преподобному.

Тем временем, в самой Сербии вспыхнула вражда между великим жупаном Стефаном II и его братом Ву́каном, в обход которого отец когда-то передал престол среднему сыну. Вукан покорился воле своего отца, подчинился младшему брату, но переносил это с большим недовольством. Стремление к власти не оставляло его, и он искал случая освободиться от подчинения брату и самому взойти на престол. При помощи венгров Вукан отнял у брата некоторые области Сербии, объявив себя в них королём при поддержке папы Инноке́нтия III. Вести о вражде между его братьями, об угрозе, под которой оказалась православная вера, отзывались страшной болью в сердце святого Саввы. Торжество Вукана, подчинившемуся папе Римскому, который располагал силами во всей Западной Европе, угрожало Православию в Сербии. Будучи уже архимандритом, Савва поднимает из раки тело своего отца, которое, несмотря на семилетнее пребывание во гробе, осталось нетленным, и с великими трудностями, через земли, где господствовали смуты и междоусобные войны, благополучно прибывает в Сербию. В 1206 году тело своего святого отца с великими почестями встретили оба брата – Стефан и Вукан. С великим торжеством эти мощи были положены в монастыре Студеница, построенном самим отцом. В день памяти преподобного Савва испросил у Господа такое же излияние святого мира, какое было на Святой Горе. По этому поводу Савва сказал народу слово, в котором убеждал всех подражать добродетелям преподобного своего отца, угрожая нераскаявшимся грешникам страшным судом Божьим. Это слово произвело глубокое назидание на сербов. Вскоре Савва захотел вернуться на Афон, но Стефан убедил его остаться в столь неспокойное время на Родине и приступить к укреплению Православной Церкви. Уступив просьбам державного брата, Савва остался архимандритом в монастыре Студеница, который был назван Лаврой святого Симеона.

Целый год провел Савва в Студеницком монастыре, пребывая в молитвах и размышлениях о судьбах своей страны. Отец Савва неоднократно обращаелся ко всё ещё враждовавшим братьям, требуя от них христианского примирения, которое принесёт мир измученному войнами народу и вновь укрепит Православную Церковь в Сербии. Савва видел, какие страшные раны нанесли государству междоусобицы. Видя, что в стране мало храмов, он повсюду начинает воздвигать церкви в монастыри; на перекрестках дорог ставит изображения креста Господня, чтобы Православные христиане, видя их, чаще обращали свои помыслы к Небу. В это же время он вместе со своим братом Стефаном приступает к строительству знаменитого монастыря Жи́ча, который потом стал резиденцией Сербского Архиепископа и в котором Стефан II был коронован как первый король Сербский.

Все эти его заслуги уже при жизни святителя Саввы снискали ему великую любовь народа. Все дивились мудрости его ума, богатству его знаний, чистоте его жизни, благородству его сердца и величию его души. Савва видел, что его труды будут неполными, если Сербская Церковь не приобретёт полной независимости и самостоятельности. Это было тем более необходимым, что католики, подчинившие себе Константинополь, направляли свои силы против Православия в Сербии. Когда овдовел великий жупан Стефан, то ему стали сватать в жёны дочь венецианского до́жа Энри́ко Дондо́лы – Анну. Это означало, что в Православную Сербию снова открывается путь латинским интересам, от которых уже так много пострадал сербский народ. В 1217 году Стефан всё же решил жениться на Анне, приняв на себя корону по благословению папы Гонория III. Савва понял, что одними словами не может усовестить своего брата, и пошёл на решительный шаг: он назначил вместо себя нового игумена в Студенице, и, помолившись на могиле своего отца, покинул Родину и вернулся на Афон, где его все встретили с большой радостью.

В 1219 году, взяв с собой нескольких хиландарских иноков, отец Савва направился в Никею, где тогда находились Византийские Патриарх и император, поскольку в Константинополе всё ещё господствовали крестоносцы. Император Фео́дор Ла́скарис охотно поддержал все частные просьбы Саввы, но когда он высказал свою заветную мысль об учреждении в Сербии самостоятельной Архиепископии, то император и Патриарх отнеслись к этому сначала отрицательно. Однако, Савва силой красноречия и убедительностью приводимых доводов достиг своей цели. Приняв во внимание дальность расстояния Константинополя от Сербии, постоянную угрозу со стороны Запада и хорошее отношение императора к Савве, Патриарх Мануил I, наконец, выдал грамоту, по которой в Сербии учреждалась независимая Архиепископия, а чуть позже Сербская Церковь получила право избирать своего Предстоятеля на Соборе местных епископов. Этим самым в истории Сербской Церкви началась новая эпоха, и был положен конец прежней неустойчивости. Сербская Церковь стала в ряд других автокефальных Церквей. Первым Архиепископом Патриарх поставил самого Савву, несмотря на то, что тот по скромности просил поставить Архиепископом кого-нибудь из своих спутников.

Прибыв из Никеи на Святую Гору, святитель в последний раз обошёл все монастыри, поклонился всем святыням и, вспоминая блаженное житие отцов-пустынников, в глубоком сокрушении простился с подвижниками, «исходя из Святой Горы, как бы из некоего Божественного рая». После возвращении на Родину Архиепископ Савва занялся устроением Церкви, и в первую очередь подбором достойных пастырей. Каждое воскресенье и каждый праздник он рукополагал избранных кандидатов в священники и диаконы. Утверждая святое Православие и приводя в порядок церковные дела, святитель учредил восемь новых епархий. В новооснованные епархии он поставил епископами своих учеников – подвижников Хиландара и Студеницы, обязав их строго соблюдать церковные каноны, ревностно проповедовать Слово Божие и благоговейно совершать богослужение на славянском языке. В жизнь сербского монашества святитель Савва ввёл Афонский Устав, а сами монастыри сделал рассадниками духовного просвещения.

Когда строительство монастыря Жича было завершено, святитель Савва постоянно созывал в обители, ставшей его резиденцией, Поместные Соборы, в работе которых принимали участие епископы и священники Сербской Церкви. На первом Соборе, святитель Савва выступил с торжественной речью, выразившейся в исповедании Православной Веры. Предстоятель осудил все ереси, и призвал всех участников собора строго соблюдать правила Православной Церкви, доказывая это словом и делом. В 1221 году на праздник Вознесения Господня в Жиче он торжественно возложил на правителя Сербии Стефана королевский венец, помазал его святым миром и одел в багряницу. Так святитель Савва венчал на Царство своего брата, который с этого времени стал именоваться Первовенчанным. Коронация Стефана имела большое церковно-государственное значение: она укрепила династию Неманичей, показала огромную роль Сербской Православной Церкви и лично святителя Саввы в деле подъёма и укрепления национального и религиозного духа сербского народа.

Четырнадцать лет управлял святой Савва Сербской Церковью. За это время он настолько укрепил в своей стране Православие, что понял: уже никакая сила не будет в состоянии его поколебать. Святой Первосвятитель обошёл всю Сербскую землю, исправил иноческие уставы по образцу Афонских и Палестинских, построил и освятил множество церквей, утверждая Православных в вере. В 1229 году он передал управление Сербской Церковью своему испытанному ученику – наместнику Жичского монастыря архимандриту Арсению, рукоположив его во епископа и преподав всем благословение, отправился в невозвратный путь, желая «окончить дни свои странником в земле чужой». Пройдя всю Палестину, Сирию и Персию, Вавилон, Египет и Анато́лию, повсюду посещая святые места, беседуя с великими подвижниками.

Святитель скончался в 1237 году в Болгарском Ты́рнове, в доме своего родственника, царя Иоанна II Асеня. Племянник святителя Саввы, сербский король Владислав, через год после преставления святого перенёс его мощи из Тырнова в монастырь Миле́шева, где они находились пока османский военачальник Коджа Синан-паша не перенёс их в Белград. В 1594 году, желая истребить память о святителе, турки сожгли его мощи на Белградском холме Вра́чар. Но память о святом жила, более того – во время турецкого владычества у сербов появился особый чин Крестной Славы, когда каждая семья избирает себе в покровители определённого святого и в день его памяти в доме совершается особое Богослужение. После освобождения от османского ига в сербском народе возникло желание построить на этом месте храм, посвящённый Святому Савве, в знак благодарности за всё, что он сделал для своего народа и Церкви. Храм возводили более 100 лет, а образцом для него послужил собор Святой Софии в Константинополе. Сегодня храм святого Саввы является одним из самых грандиозных Православных храмов в мире.

В 1930-х годах в Королевстве Югославия зародилось новое богословское и филосовское течение – «светосавље» (светосавство, от сербского «свети Сава»). В своей книге «Светосавство как философия жизни» преподобный Иустин По́пович писал, что «жизнь святого Саввы строилась на принципе непрерывного служение Богу, поскольку он считал весь мир величественным храмом Божьим, в котором совершается непрерывное Богослужение. Святитель Савва был и навсегда остаётся мудрейшим сербским философом, который наиболее полно и совершенно открыл сербской душе вечный Божественный смысл как мира, так и человека».

• Иже во святых отец наш Савва, первый Архиепископ и учитель Сербский [нотный сборник] / Цревени хор Свети Александар Невски, приредили: Jелена Анастасиjа Тонић, Урош Лалицки, Београд, 2017.

Всенощное бдение на планшете · Литургия на планшете · Наверх